• Home
  • Kauna – unahan nga Trash Can Painting Contest it Banwang Kalibo, madineag-un

Kauna – unahan nga Trash Can Painting Contest it Banwang Kalibo, madineag-un

By: Doniel B Aguirre

Refer To: Ms. Fritzie Anne P Rillo, Information Officer

Madinaeag-un nga nagtapos ro Trash Can Painting Contest nga ginlunsar ku Solid Waste Management Services Office ku adlaw nga Sabado Enero 12 it rayang dag-on sa Kalibo Pastrana Park Covered Court. 22 ka mga Estudyante halin sa Aklan State University, Garcia College of Technology ag Regional Science High School for Region 6 ro nagpakita it andang kamayad sa pag-pinta ku mga Drums agud mangin Trash Can sa Kalibo Pastrana Park.

Naha-angkon ni Jan Blaze Testa, 4TH Year BS Architecture kung ASU CIT ro unang lugar, samtang ro ikaywang pwesto hay naha-adto kay Chris Janine Tolores, Grade 11 student it ANHSAT ag ikatlong lugar man ro naha-bu-oe ni Nicah Dela Rosa, 1ST Year BS Architecture it ASU CIT. Samtang nagbaton man it Consolation Prizes sanday: Leslie Goboy, 5TH Year BS Arch., ASU CIT, Ariel Castillo, 5TH Year BS Arch. ASU CIT, Jude Necole Anonuevo, 5TH Year BS Arch., ASU CIT, Karen Abegail Honrado, Grade 12, RSHS VI ag Kenneth James Honrado, 4TH Year BS Arch., ASU CIT.

Ro premyo para sa 1ST Place hay P5,000 ag Gift Certificate, 2ND Place hay P3,000 ag Gift Certificate ag 3RD Place hay P2,000 ag Gift Certificate ag 5 ka tig P500 ag Gift Certificates para sa Consolation Prizes. Ro mga Judges nga gin-imbitahan ku LGU Kalibo sa pagpamuno ni Mayor William Lachica agud pili-un ro may sadyaan nga Trash Can hay ro mga masunod: Anna India Legaspi, Arnel Arollado, Nina Candelario, Mario Perucho ag Sumra dela Cruz Rojo. Sa pagbukas it programa ku Sabado, presente sanday SB Members Mark Vega Quimpo ag Cynthia Dela Cruz.