• Home
  • KASSAMACO, Inc. gina-imbitahan ro mga Tribu nga magpa-rehistro

KASSAMACO, Inc. gina-imbitahan ro mga Tribu nga magpa-rehistro

01 OCTOBER 2019

By: Doniel B Aguirre

Refer To: Ms. Fritzie Anne P Rillo, Information Office

Umpisa sa Setyembre 2 hasta it Nobyembre 2, 2019, magabatunon ro Kalibo Sr. Sto. Nino Ati-Atihan Management Council, Inc. KASSAMACO, Inc. it mga grupo o kun mga tribu nga gustong magpasakup sa 2020 Sadsad Ati-Atihan Contest. Samtang du rehistrasyon ku mga pumaeasakup o participants para sa Modern Tribal & Original Tribal (Individual Category) hay bukas  man eon ag hasta eon lang sa Enero 6, 2020.

Ro tanan nga gustong magpa-rehistro hay kinahang-ean nga magpasa ku mga masunod nga mga requirements: Registration Form, daywang (2) ka mga kopya it Group Photo o Litrato nga 5×7 inches pulgada nga nagasuksuk it costume, 2×2 pictures para sa individual participants ag sambilog nga picture nga nakga-suksuk it costume ag kaeakip ro listahan ku mga pangaean it mga miembro it grupo. Ginapahanumdom ku KASSAMACO sa mga tribu, grupo ag indibidwal nga ga – entra nga pirmado dapat ku lider it grupo du registration form para sa final approval ku Chairman it KASSAMACO ag ku Chairman ku History, Culture & Arts Committee.

Ro mga Contest Categories hay ro mga masunod: Original Tribal Big Group, Original Tribal Small Group, Modern Big Group, Modern Small Group, Balik Ati Group Category, Individual Category ag 3 Special Awards kaparehas ku: Best in Ati-Atihan Costume, Best in Street Dancing (Jolly/Energetic) ag Most Original Sound/Beat.