• Home
  • Kalibonhon nga UAAP Rookie of the Year, ginpanginbulahan it Munisipyo

Kalibonhon nga UAAP Rookie of the Year, ginpanginbulahan it Munisipyo

By: Doniel B Aguirre

Refer to: Ms. Fritzie Anne P Rillo, Information Officer

Ginapanginbulahan gid ku Banwa it Kalibo ro sambilog eon man ka Kalibonhon nga nagta-o it bugae ag dungog sa Ati-atihan Town. Sa resolusyon nga ginproponer ni SB Member Phillip Yerro Kimpo, Jr. ginpanginbulahan gid ku Konseho si Precious Day Yecla, tubo it Brgy. Mobo, Kalibo ag presente nga nagatuon sa University of Sto. Tomas ag Atleta kung UST Growling Tigers Chess Team sa University Athletic Association of the Phils. UAAP matapos nga ginkilaea ra bilang UAAP Season 81 Rookie of the Year para sa Girls Chess Division.

Tungod ku impresibong paghampang sa pinaka-premero nana nga UST Chess Varsity Team, imaw ra hay ginhinga-eanan bilang UAAP Season 81 Rookie of the Year nga nagta-o it bugae ag dungog sa mga Kalibonhon ag ku mga Akeanon.

Ginpabutyag pa gid ni Kimpo sa anang Resolusyon nga sa batang pang-edaron ni Yecla, pirme imaw nga nagadaug ag produkto pa gidi imaw it dag-unan nga Peter Imperial Kimpo Memorial Chess Tournament, iseang ka mabahoe nga Regular Chess Tournament sa Probinsya sa aspeto it mga participants ag pa-premyo.