• Home
  • Kalibo Municipal Police Station, naga-hinyo it 6 ka mga Motorsiklo sa Munisipyo it Kalibo

Kalibo Municipal Police Station, naga-hinyo it 6 ka mga Motorsiklo sa Munisipyo it Kalibo

15 AUGUST 2019

By: Doniel B Aguirre

Refer To: Ms. Fritzie Anne P Rillo, Information Office

Nagakinahang-ean it an-um (6) nga ka mga Motorsiklo ro Phil. National Police. Sa sangka Resolusyon nga gin-proponer ni SB Member Ronald Marte, Liga ng mga Brgy. President it Kalibo, ginahinyo ni Marte ro Alkalde it Kalibo nga madugangan ro saeakyan it mga Kapulisan agud ma-mentinar ro kaeowasan ag kalinong ag katawhay it Kalibo.

Magamit pa gid ra sa paghimo it mga pag-pangusisa, pagdakup, police visibility ag pag-solbar it mga Krimen. Gindugang pa gid ni Marte nga ro an-um (6) nga ka mga motorsiklo hay makabulig man sa pag-limpyo it mga karsadahon ag mahamis o tayuyon nga daeagan it trapiko.

Ginpabutyag man ni SB Member Buen Joy French nga si dati anay SB Member Juris Sucro hay nag-donar it 2 ka unit it motorsiklo sa PNP Kalibo pero makaron hay samad ag da-an eon gid ngani kun may una nga bag-ong mga motorsiklo hay mas mayad nga ma-mintina ro mayad-ayad kara nga kondisyon.