• Home
  • Kalibo Municipal Police Station, haum eon sa posibleng epekto sa katawhay ag kaayusan sa tiempo nga mag-sirado ro Boracay.

Kalibo Municipal Police Station, haum eon sa posibleng epekto sa katawhay ag kaayusan sa tiempo nga mag-sirado ro Boracay.

By: Doniel B Aguirre

Refer to: Ms. Fritzie Anne P Rillo, Information Officer

Pila sa mga ginapanan-aw nga matabo ku Kalibo Municipal Police Station nga matabo sa oras nga iga-rehabilitar eon ro Boracay sa Abril 26 hay epekto kara sa Peace & Order. Suno kay Police Superintendent Richard Mepania, magataas ro numero it Theft and Robbery tungod ku Unemployment ag paghina ku Lokal nga Ekonomiya. Maga-abo man ro mga transients o mga dumueu-ong sa Kalibo, imaw man ro numero it mga Physical Injury tungod posibleng kwarta o kun kita ro pagatunaan kara eabi gid ro mga pamilya. Rong Prostitution man hay posibleng magtaas bilang alternatibong paeangitan-an ag ro uman nga pagbalik ku dating nagabaligya it droga.

May mga ginhimo man nga aksyon ro mga Kapulisan it Kalibo kamana ku pagpangayo ku mga profiles it mga arrested players kamana ku theft, robbery ag salisi suspects sa Boracay, may koordinasyon man si Mepania sa mga Muslim Leaders ag padayon ro andang komunikasyon angot sa Peace & Order Matters. Magiging mataas man ro presensya it mga pulis sa mga posibleng lugar nga magatuhaw ro mga krimen. Magiging agresibo man ro Police Operation kontra sa droga. Paga-gamiton pa gid ku Kalibo Municipal Police Station ro Social Media para sa Info Dessimination. Makikipag-koordinar pa gid ro Hepe it Kalibo Municipal Police Station sa Munisipyo it Kalibo agud makabu-oe it listahan ku mga Kalibonhon nga naga-trabaho sa Boracay.