• Home
  • Kalibo Fire Station, nagpartisipar man sa Handog Pamasko 2018

Kalibo Fire Station, nagpartisipar man sa Handog Pamasko 2018

By: Doniel B Aguirre

Refer to: Ms. Fritzie Anne P Rillo, Information Officer

Sa padayon nga pagpanupod it mga regalo sa mga Kalibonhon, ginpatigayon ku Bureau of Fire Protection Kalibo sa pakikipag-bueoligan sa Munisipyo it Kalibo ro kauna-unahan nga pag-adto sa Provincial Hospital agud magta-o it mga regalo angot gihapon sa Handog Pamasko sa Banwa 2018.

Sa pagpamuno ni Senior Inspector Sidgie I Gerardo, Kalibo Fire Marshall, 22 ka mga Organic Personnel ag 17 ka mga On The Job Trainees it Kalibo Fire Station ro nagpanupod it mga regalo sa 80 ka mga pasyente sa Medical Ward it Dr. Rafael S Tumbokon Memorial Hospital kahapon Disyembre 20, 2018. Mag-euwas sa pagta-o it mga regalo, isaeang ka misa ro andang gin-atinderan ag nagpanopod man it mga leaflets parte sa Fire Prevention para sa makaron nga kapaskwahunan.

Sa mga nagtaliwan nga dinag-un, naka-andan eon ku Bureau of Fire Protection Kalibo nga magta-o it regalo sa andang taeatapan pero makaron nga dag-on, ginpakamayad nanda nga sanda mismo ro magpaeapit sa mga pumoeoyo.