• Home
  • Kalibo Ati-Atihan Accommodations Association ag mga Tour Operators sa Kalibo, maga-tib-ong

Kalibo Ati-Atihan Accommodations Association ag mga Tour Operators sa Kalibo, maga-tib-ong

By: Doniel B Aguirre
Refer To: Ms. Friztie Anne P Rillo, Information Officer, Office of the Mayor

Nagkasugot ro mga Miembro ku Kalibo Ati-Atihan Accommodations Association KAAA ag ro mga Tour Operators sa Munisipalidad it Kalibo nga magtukod it partnership para sa aspeto it Turismo ag madugangan pa gid ro andang magiging Guests. Raya ro andang nahakasugtanan matapos sa ginhimo nga pagbaey-luhan it andang mga amenities ag services sa mga kliyente, kamana man makabulig sa kaugalingon nandang mga negosyo agud nga magkita ag maka-engganyo sa mga hotel guests nga mag-istar sa Banwa it Kalibo.

Sa makaron, agud nga makabu-oe it maga-upa sa mga kwarto ro mga Accommodation Establishments sa Kalibo, nakikipag-partner sanda sa mga Online Booking kaparehas ku Agoda, Booking.com ag iba pa. sa pag-engganyo man ku Tourism & Cultural Affairs Division TCAD nga maghimo it partnership rong KAAA ag mga Tour Operators, uman pa gid nga maga-pulong ro 2 ka mga grupo para pormal nga istoryahan ro parte sa Tours ag mga Amenities.

Gin-kumbinyo pa gid ku TCAD sa KAAA hay magtukod it sangka event bilang income generating project it Asosasyon ag Establisimiento para may rason nga mag-tinir ro andang mga Guests. Gin-imbitahan man ni Ms. Rhea Rose Meren it nasambitan nga Opisina rong KAAA nga daehon ro andang guests sa Kalye Kulinarya sa Nobyembre 3.