• Home
  • KALAHI NCCDP NAGTAPOS EON RO PAGSERBISYO SA MUNISIPALIDAD IT KALIBO

KALAHI NCCDP NAGTAPOS EON RO PAGSERBISYO SA MUNISIPALIDAD IT KALIBO

Nagtapos eon ku hunyo 30 it rayang dag-on ro pagserbisyo it kalahi nccdp sa munisipalidad it kalibo. Sa ginhimo nga exit conference ku hunyo 29, ginpahayag ni Engr. Marlo Villanueva, MPDC head, nga ku 2014 gintinguhaan ni Mayor William Lachica nga makabaton man it mga kalahi projects ro banwa tungod nga mabahoe gid ra nga bulig sa mga brgy.   Raya hay pina-agi sa mga community driven projects pero naga-eaum ro mpdc head nga makabaton pa gihapon it kalahi projects ro banwang kalibo hatud man ku manami nga performance.

Ginpahayag man ni Mr. Efren Trinidad, executive assistance to the mayor, ro mensahe ni Mayor William Lachica. Ana kara nga ginpahayag nga mabahoe gid ro ginta-o nga bulig sa mga kabaranggayan bilang mga recipients. Bisan bukon man it tanan nga proyekto hay naha-kumpleto, igapadayon ra gihapon ku munisipyo it kalibo matapos nga hika-turn over. Sa idaeom it kalahi ncddp project, maabong mga proyekto kamana ku drainages, road construction and cementing, multi purpose pavements, day care centers, civic centers, solar street lights ag iba pa.

Suno kay mr. Joselito pelayo, coordinator it kalahi ncddp, ro programa hay may mga sub projects sa kabaranggayan pero tuyo gid it programa nga ro mga komunidad hay magiging empowered ag magpartisipar sa mga proyekto it gobyerno kaibahan man ro mga brgy. Officials. Nagta-o man it testimonya ro mga bspmc it brgy. Pook sa benepisyo it mga proyekto. Suno kanda ro mga estudyante nga nagatuon sa maeapit nga eskwelahan hay mas maeomo eon ro pag-sueod sa eskwela tungod ku mayad-ayad nga daeanon.