• Home
  • Insidente it paeanakawan ag naga-inabo nga mga Graffiti, pagatutukan it Munisipyo

Insidente it paeanakawan ag naga-inabo nga mga Graffiti, pagatutukan it Munisipyo

29 JULY 2019

Subject: Insidente it paeanakawan ag naga-inabo nga mga Graffiti, pagatutukan it Munisipyo

By: Doniel B Aguirre

Refer To: Ms. Fritzie Anne P Rillo, Information Office

Tungod ku naga-abo eon man ro paeanakawan nga ginaka-kaeakutan it mga inunga ag ro pag-kinulis nanda it mga Graffiti, gin-hueong/suherer ni Police Lieutenant Colonel Richard Mepania sa Sangguniang Bayan it Kalibo nga magba-eay it lehislasyon nga i-sueod sa Teen Center ro mga Children In Conflict with the Law (CICL). Bangud sa indi sanda pwedeng ma-kulong partikular ro naga-edad it 15 – 18 years. Ginpa-abot mat-a ni Vice Mayor Cynthia Dela Cruz, nga gina-ubra pa makaron ro Teen Center sa Brgy. Nalook, ugaling samtang uwa pa nahuman, hay maga-usoy it paagi pero kinahang-ean bueag o separado sanda sa mga adult offenders. Hugot nga iga patuman man ro curfew para sa mga menor de edad umpisa it alas dies sa gabi-i imaw man ro regular nga pag-patrolya sa gabi-i it mga kapulisan ag pagbulig sa mga Barangay nga naka-takud it mga CCTV Camera.

Ginpahanumdom pa gid ku Bise Alkalde sa mga empleyado sa Monday Flag Raising Ceremony ku isaeang adlaw nga maglikaw nga maka-angkon it Hepatitis. Suno kana, mangin madahan sa mga pagkaon bangud pwedeng maka-angkon it Hepatitis A halin sa mga pagkaon. Ro Hepatitis B man hay pwedeng mabu-oe sa Blood Transfusion ag Sexual Activities ag rong Hepatitis C hay Virus nga uwa it bakuna.

Ginakaba-eak-an pa gid ni dela Cruz rong Cirrhosis of the Liver (atay) bangud sa nagiging Alcoholic ro isaeang ka biktima it Cirrhosis sa atay. Suno kay dela cruz, kinahang-ean it isaeang ka tawo ro bulig nga mag-ayaw sa pagka Alcoholic pinaage sa bulig medikal ag sa pag-hieubot o pag-intiende man ku anang pamilya.