• Home
  • Ika Siente Bente Y Uno nga Independensya it Nasyon, gin-selebrar ku Munisipyo it Kalibo

Ika Siente Bente Y Uno nga Independensya it Nasyon, gin-selebrar ku Munisipyo it Kalibo

14 JUNE 2019

By: Doniel B Aguirre

Refer To: Ms. Fritzie Anne P Rillo, Information Office

Ginpangunahan ku Munisipyo it Kalibo ro pag-selebrar it mga Kalibonhon ku ika 121 anyos nga Anibersaryo ku kahilwayan it Nasyong Pilipinas kahapon Hunyo 12 sa Kalibo Pastrana Park. Pagkatapos it Misa sa Kalibo Cathedral, isaeang ka simple pero makahueogan nga programa ro ginpasilitar ku Public Affairs Information & Communications Division PAICD sa Kalibo Pastrana Park.

Pagkatapos it mga Floral Offerings sa mga Monumento it mga Baganihan ag mga Beterano it Nasyon, nagpa-abot it mensahe si Mayor William Lachica. Ginpasaeamatan gid ku Alkalde ro mga nagpartisipar sa okasyon kaparehas ku Brgy. Officials, Department Heads ag mga Empleyado, Aklan Police Provincial Office, Bureau of Fire Protection, Reservist ag Regular Personnel ku Phil. Army ag maabo pang iba. Ginpahayag man ku Alkalde ro anang mensahe nga dumdumon ag pasaeamatan man ro subra sa sang gatos dag-on nga pakikipag-sukoe it atong mga Baganihan para eamang ma-agum naton ro kahilwayan.

Pina-agi man kay Police Major Reynante Jomocan, Chief Provincial Community Affairs & Development Section it Aklan Police Provincial Office, anang ginpa-abot ro mensahe ni Police Colonel Esmeraldo P Ostia Jr., Officer In Charge it Aklan PPO. Ginpabutyag ku Officer In Charge it Aklan PPO nga ro pagiging baganihan hay indi eamang hikapakita sa pag-buwis it kaugalingon nga kabuhi kundi pwede man nga magpanindugan para sa ikamayad it mga nagakinahang-ean hay makabig man nga daeayawon nga buhat.