• Home
  • HB 1906, SUPORTA KUNG KONSEHO

HB 1906, SUPORTA KUNG KONSEHO

29 JULY 2019

Subject: HB 1906, suportado it Konseho

By: Doniel B Aguirre

Refer To: Ms. Fritzie Anne P Rillo, Information Office

Ginasuportahan ku Sangguniang Bayan it Kalibo rong House Bill 9106 nga naga tinguha nga makata-o it dugang nga mga prebilehiyo sa mga Persons With Disabilities PWDs o tawong may mga kapansanan o kasamaran sa nasyon. Sa pagpahayag ni SB Member Phillip Yerro Kimpo Jr., Proponent it Resolusyon ag kun sa siin nangin Co Sponsor man ro tanan nga miembro it Konseho, ro Sangguniang Bayan it Kalibo makapilang beses eon nagpasar it mga Legislative Measure agud sigurohon nga ginapatupad ro mga layi para sa mga PWDs ag maswerte gid ro mga Pilipino nga may pilang ka mga Kongresista nga nag-duso it HB 1906.

Ginpa-abot ni Kimpo nga nasueat sa pila sa mga probisyon kung HB 1906 nga ro mga kompanya nga naga-empleyo it PWDs bilang Regular Employees hay dapat mataw-an it additional tax incentives samtang ro mga Marginalized PWDs hay makabaton it bueanan nga stipend nga P500.00 ag Exempted sa mga Passport Processing Fees ag Travel Taxes ag iba pa gid nga may ka-angot nga binaeayran. Rondaya nga Bill hay igasaka eon sa Senado ngani kinahang-ean it mga Resolusyon it pagsuporta halin sa mga LGUs agud maabong senador ro magapamate nga i-pasar rondayang laye.

Gindugang pa gid ni Kimpo nga kinahang-ean magpahaum man ro Municipal Social Welfare & Development sa Information and Compliance Campaign kara agud kon pananglitan nga mangin laye ra hay haum man eon ro Banwa it Kalibo.