• Home
  • FOKTODAI Nagahinyo Sa Konseho nga Magpataas it Pamasahe.

FOKTODAI Nagahinyo Sa Konseho nga Magpataas it Pamasahe.

By: Doniel B Aguirre

Refer to: Ms. Fritzie Anne P Rillo, Information Officer

Ginpasa eon ku mga miembro ku Federation of Kalibo Tricycle Operators & Drivers Association Incorporated FOKTODAI sa Sangguniang Bayan it Kalibo ro paghinyo nanda nga magpataas it pamasahe sa mga tricycles sa Banwa it Kalibo. Base sa sueat nga pirmado it nagakasari-saring mga presidente maghalin sa P7.50 nga pamasahe umpisa ku 2014 ag 2015 hay nangin P7.00 tungod ku pagnaba it gasolina. Pero pagtaas man ku presyo it gasolina ku 2017 ginhinyo nanda nga mangin P7.50 ro pamasahe pero suno kanda hay uwa natabo.

Ginpa-abot pa gid ku mga drivers nga P 55.85 eon ro sang litro it gasolina ag padayon pa nga nagataas ngani ginabatyag eon nanda ro mataas nga presyo ag masyado eon nga apektado ro andang pagpangita ag idugang pa gid pagtaas it mga piyesa ag goma. Sa rondayang kabangdanan, ginahinyo nanda nga halin sa P7.50 hay gusto nanda nga mangin P10.00 nga minimum tungod ro ibang mga TODA hay P12.00 eon ro gintaas. Suno pa sa mga drivers it FOKTODAI, nakipag-hinun-anon man sanda sa mga pasahero ag haum man sanda nga magpamasahe it P10.00.

Ginpa-abot man ni Vice Mayor Madeline Regalado nga iga-refer rong sueat sa Committees on Transportation and Laws. Gindugang pa ni SB Member Briones nga magapatawag it Committee Hearing kadungan eon ro Public Hearing sa Marso 20, 2018.