• Home
  • Exposition Event parte sa Banwa it Kalibo, pagahimuon it STI College Kalibo sa masunod nga dag-on.

Exposition Event parte sa Banwa it Kalibo, pagahimuon it STI College Kalibo sa masunod nga dag-on.

By: Doniel B Aguirre
Refer to: Mr. Efren Trinidad, Executive Assistant to the Mayor

Inisyal nga pulong ro ginhimo ku STI College Kalibo ag Munisipyo it Kalibo angot sa handum it nasambitan nga Eskwelahan nga makahimo it Exposition Event sa masunod nga dag-on. Sa Meeting nga ginpatigayon kahapon sa Munisipyo it Kalibo, gin-plastar ku STI College Kalibo ro titulo it programa nga Restoring Cultural Pride Among Millenials #DungogitAkean. Tuyo it nasambitan nga proyekto nga mangin expose ro mga estudyante sa mga real life situation sa pagpati nga hikapakita nanda ro andang mga tinagong potensyal depende sa tagsa-tagsa nandang mga abilidad ag makabulig pa gid it promote sa Munisipalidad it Kalibo.

14 ka mga Estudyante hay halin sa STI College Kalibo ro magahimo it Research agud makabaeay it Marketing Plan, Brochure Making, Video Presentation, Android Application kun sa siin rikara nakabutang ro tanan nga mga butang parte sa Kalibo ag kaeakip man ro mga delicacies nga makita sa Banwa it Kalibo. Igapakita ra sa Exposition Event sa masunod nga dag-on pina-agi sa igabutang nga booth, kun sa siin gina-proponer nga pagahimuon Pebrero 22-24, 2018.

Sa ngaean man ni Mayor William Lachica, ginpa-abot ni Mr. Efren Trinidad ro interes ag apresasyon ku Banwa it Kalibo sa proposal it eskwelahan. Magahimo pa gid it masunod nga pulong agud i-plastar ku mga estudyante it STI College Kalibo ro andang proposal base man sa resulta it research nanda parte sa Munisipalidad it Kalibo nga igapakita man sa Exposition Event, Marketing Plan, Brochure ag Android App. Rong pakikipag-angot it nasambitan nga eskwelahan sa Gobyerno Lokal it Gobyerno hay napakita eamang ku mabaskug nga koneksyon it Banwa bukon eamang it sa mga Civil Society Organizations kundi pati man sa Academe.