• Home
  • Executive Order Number 77 it Presidente, ginapahanumdom sa miembro it Konseho

Executive Order Number 77 it Presidente, ginapahanumdom sa miembro it Konseho

15 OCTOBER 2019

By: Doniel B Aguirre

Refer To: Ms. Fritzie Anne P Rillo, Information Office

Ginapahanum-dom makaron ni SB Member Augusto Tolentino sa mga kaibahan kara sa Konseho nga sumunod sa Executive Order No. 77 ni Presidente Rodrigo Roa Duterte kun sa siin ginataw-an gid kara it igtaeupangod ro Section 19 hasta it 20.

Sa Resolusyon nga gin-proponer kara ku Lunes Oktubre 14, ginpahayag ni Tolentino nga ginapabawas-bawasan ku Presidente ro paghimo it mga Foreign Travel ag bisan sa Lokal nga mga panaw. Anang ginpa-abot nga ro Sangguniang Bayan it Kalibo hay may gin-alokar nga pondo para sa Foreign Trips pero uwa man naha-minyar ag ro kabilugan nga Travel Allowance para sa Konseho sa sueod it sang dag-on hay P600,000 ag rong allotment hay P480,000. samtang ro gin-gasto sa travel umpisa it Enero hasta Setyembre hay P461,506.88 ngani ro nabilin hay P18,493.12. Suno kana, kueang eon ra kun kinahang-ean nga mag-travel sa uman pero rong Foreign Travel hay pwedeng ma-divert sa Supplemental Budget tungod kinahang-ean ra it Konseho.

Gindugang pa gid ni Tolentino nga gusto kara masayran ro pagpanaw it pilang ka mga SB Members sa Metro Manila agud magpangayo it bulig sa mga Senador para sa mga nasunogan sa Kalibo Public Market. Ginhinyo man nana ro SB Secretary nga mataw-an it kopya ku Executive Order ro mga SB Members.