• Home
  • Draft Ordinance No. 24, nga nagasaad ku pagpadaeagan it Kalye Kulinarya sa Kalibo, gintalakay ku Committee on Tourism.

Draft Ordinance No. 24, nga nagasaad ku pagpadaeagan it Kalye Kulinarya sa Kalibo, gintalakay ku Committee on Tourism.

By: Doniel B Aguirre
Refer to: Mr. Efren Trinidad, Executive Assistant to the Mayor

Pagkalipas ku Soft Opening it Kalye Kulinarya sa Kalibo KKK ku Nobyembre 3 sa Veterans Avenue, Kalibo, gin-istudyohan eon komitiba ni SB Member Phillip Yerro Kimpo Jr., rong Draft Ordinance No. 24 an Ordinance Institutionalizing the Kalye Kulinarya sa Kalibo as a Tourism Destination and & Regulating its operation kahapon Nobyembre 21. Nangin Resource Person sa Committee Hearing kahapon ro Presidente it KKK ag iba pa gid agud estudyohan ro mga probisyon it Draft Ordinance.

Sari-sari ro mga suhestyon nga nagtuhaw kaparehas ku oras it pagsirado it mga stalls kun gabi-i kun sa siin gin-rekomendar nga hasta eon lang it alas dies sa gabi-i. Pagakasugtanan pa gid kun magiging free for all ro mga tables and chairs tungod sa makaron hay may mga bangko ag lamesa nga naka-alokar sa kada stalls. Gin-rekomendar pa gid nga ebalwahon ku Tourism and Cultural Affairs Division TCAD ro mga pagkaon nga ginabaligya it mga stalls agud masiguro ro kita nanda kada gabi-i. Ipahanomdum sa mga customers ro pagsunod it LGU Kalibo sa no smoking, samtang pwede pa man magbaligya it glass bottled drinks pero sa tiempo it Ati-atihan celebration hay indi anay tungod ro lugar hay kaparte ku festival zone. Tungod man ku gusto it haeos tanan nga naga-ihapon sa KKK ro kada gabi-i nga live acoustic band, ginbaton man ku komitiba ro rekomendasyon it mga artist group sa Kalibo nga batunon ro mga indibidwal o bandang akeanon nga maka-perform kada gabi-i pero kinahang-ean nga umagi gid sa munisipyo para sa screening.

Presente man si Atty. Duke Sucgang, Legal Officer it lgu Kalibo kun sa siin gin-eksplekar nana nga pwedeng magsirado it karsada para sa General Welfare, Temporary o Permanent Base sa Local Govt. Code basta nakasaad sa Ordinansa. Ginpabutyag man ni SB Member Kimpo nga kun ma-aprubahan ro ordinansa, ro mga penalties sa kada bayolasyon sa ordinansa hay iga-implementar eon.