• Home
  • DPWH Aklan, ginahinyo ku Munisipyo it Kalibo nga magtukod it Drainage System sa may Mabini St. hasta gid sa C. Quimpo St. sa Banwa it Kalibo

DPWH Aklan, ginahinyo ku Munisipyo it Kalibo nga magtukod it Drainage System sa may Mabini St. hasta gid sa C. Quimpo St. sa Banwa it Kalibo

By: Doniel B Aguirre

Refer to: Ms. Fritzie Anne P Rillo, Information Officer

Editor: Mr. Basilides T Tabernilla, Executive Assistant II

Ginahinyo makaron ku Sangguniang Bayan it Kalibo sa Dept. of Public Works & Highways DPWH Aklan nga maka-butang it pondo para sa pagpa-ubra it Drainage System sa may Mabini St. umpisa it corner D. Maagma St. hasta gid sa corner C. Quimpo St. sa Munisipalidad it Kalibo. Suno kay SB Member Buen Joy French, madaeom gid ro tubi sa nasambitan nga lugar kun naga-uean kun sa siin may una nga konstruksyon ro DPWH ngani ginahinyo ku konsehal nga hipadayon raya o kun hika-sugpon sa lugar nga ginatumod it Resolusyon.

Kun mabutangan it pondo kung DPWH ag kun mahuman ro drainage system, mangin konektado ro linya ngara sa main drainage nga gina-ubra sa may D. Maagma St. Ro tubi nga magahalin sa drainage system nga gustong hika-butang sa Mabini St. corner D. Maagma hasta gid sa C. Quimpo hay ipapa-naug paadto it Sitio Libtong, Brgy. Estancia, Kalibo diretso it Aklan River.

Do NOT follow this link or you will be banned from the site!