• Home
  • DOT on Wheels, iya sa Banwa it Kalibo agud mag-accredit ro mga Accommodation Establishments

DOT on Wheels, iya sa Banwa it Kalibo agud mag-accredit ro mga Accommodation Establishments

13 NOVEMBER 2019

By: Doniel B Aguirre

Refer to: Ms. Fritzie Anne P Rillo, Information Officer

Refer To: Mr. Basilides T Tabernilla, Executive Assistant II

Nangin maeapit para sa mga Tourism Accommodations it Banwang Kalibo ro pagpa-accredit it andang mga establisimiento sa Department Of Tourism DOT Region 6 matapos nga mismong ro Tourism Regulation Division ku DOT 6 ro naghimo it DOT 6 Accreditation on Wheels sa Munisipyo it Kalibo. Ro aktibidad hay gin-umpisahan kahapon adlaw nga Martes Nobyembre 12 sa 3RD Floor ku Munisipyo it Kalibo sa pakikipag-bueoligan man sa Provincial Government of Aklan.

Sa pagpanguna ni Atty. Sedfrey Cabaluna,Chief Tourism Operations Officer, maga-tener it Limang Adlaw rong Team agud buligan ro mga Accommodations Establishments nga makapa-accredit it andang mga establisimiento iya sa Banwa it Kalibo. Ginpa-abot ni Cabaluna nga ro sangka Accommodation Establishment nga akreditado it Ahensya hay may benipisyo ag insentibo kamana ku: Exempted sa Liquor Ban para sa mga Foreign Guest sa tiempo it Eleksyon sa Nasyon, may prayoridad sa mga DOT Training Programs, gina-endorso sa mga Embahada ag Travel Trade Associations agud magamit ro mga pasilidad ag serbisyo it sangka Accommodation Establishment ag iba pa gid nga mga benipisyo.

Sa ngaean man ni Mayor Emerson Lachica, ginpa-abot ni Engr. Jessie Fegarido ro anang pag-abe-abe. Nagapasaeamat gid ro MEEDO Head it Kalibo tungod nga ro DOT 6 mismo ro nag-adto sa Banwa it Kalibo agud magpa-abot ku isaea sa andang mga serbisyo. Suno kay Engr. Fegarido, sa masunod nga dag-on nga indi makapa-accredit sa DOT ro sangka Accommodation Establishment hay indi eon ra maka-operate. May mga Accommodations Establishments man nga naghalin sa Banwa it New Washington ag Batan agud magpanipueos sa nahinambitan nga programa ku DOT Region 6.