• Home
  • Dept. of Tourism 6, Iya makaron sa Munisipyo agud magbaton it Applications ag Renewal it mga Tourism Oriented and Related Establishments Accreditation.

Dept. of Tourism 6, Iya makaron sa Munisipyo agud magbaton it Applications ag Renewal it mga Tourism Oriented and Related Establishments Accreditation.

By: Doniel B Aguirre

Refer to: Mr. Efren Trinidad, Executive Assistant II, Office of the Mayor

Umpisa makaron nga adlaw hasta sa Biernes Hulyo 28, 2017, sa Munisipyo it Kalibo ro Personnel it Dept. of Tourism Region 6 agud maghimo it Accreditaiton ku tanan nga mga Tourism Oriented & Related Establishments sa handum nga ma-upgrade ro mga pasilidad ag serbisyo it nasambitan nga mga establisimiento. Nagaka-angay gid rondayang kahigayunan it Accreditation tungod sa maabong mga Tourists and Guests ro naga-aeabutan iya sa Banwa it Kalibo. Ginpahayag ku Tourism and Cultural Affairs Division it Kalibo nga ro sangka Tourism Oriented & Related Establishment nga akreditado it dot hay nakakata-o it pagsalig ag garantiya sa mga guests nga ro andang paga-tiniran o pagakan-an nga Establishment hay pasado sa International Standard nga gina-implementar ku DOT Region 6.

Sa tanan nga intresadong Tourism Oriented & Related Establishments nga naga-baton it mga aplikante rong DOT Region 6 sa taeatapan ku Tourism and Cultural Affairs Division it Kalibo umpisa it 8:30 hasta it 5:00 sa hapon. Sa gustong magpa-accredit, magdaea eamang it mga requirements kaparehas ku: para sa New Application – Valid Mayor’s Permit o kun Business License halin sa lgu, kun Single Proprietorship hay Valid DTI Business Name Certificate, kun corporation o partnership hay Sec Registration Certificate ag Articles of Incorporation ag by Laws. Notarized List of Names, para man sa mga accommodation establishments kaparehas it hotels, mga pension houses ag iba pa gid hay magdaea it Valid Comprehensive General Liability Insurance Policy nga rong minimum amount of coverage hay P500,000.00. Ag iba pa gid nga dokumento nga posibleng pagakinahang-eanon it dot kaparehas it NBI Clearance ag iba pa.

Rong DOT 6 nga iya makaron sa taeatapan ku Tourism and Cultural Affairs Division hay nagabaton man it mga Establishments nga magapa-renew it andang Accreditation. Kun ro sangka Establisimiento hay akreditado it Department of Tourism, pwede sandang hika-endorso sa COMELEC para sa exemption it Liquor Ban sa tiempo it Eleksyon, gina-endorso man sa mga embahada ag Travel Trade Association para magamit ro Facilities ag Services it Establishment, may prayoridad sa mga Training Programs it DOT, ag iba pa gid nga mga benipisyo ag insentibo. Rong Accreditation Fees hay uwa nagapaea-reho sa mga Hotels, Resorts, Apartment Hotels, Tourist Inn, Pension House ag iba pa ngani makipag-angot eamang sa Telephone Number 262-1020 agud masayran ro Accreditation Fees.