• Home
  • Comprehensive Land Use Plan it Banwang Kalibo, gin presentar eon sa mga stakeholders.

Comprehensive Land Use Plan it Banwang Kalibo, gin presentar eon sa mga stakeholders.

By: Doniel B Aguirre
Refer To: Mr. Efren Trinidad, Executive Assistant II Office of the Mayor

Gin-presentar eon ni Mayor William Lachica ro Proposed 10 Years Comprehensive Land Use Plan CLUP sa mga Stakeholders ku Banwa it Kalibo. Ginpahayag ku Alkalde nga ro CLUP hay kabilugan nga plano ku Munisipyo it Kalibo ag ana man nga ginasaeamatan ro mga Stakeholders sa pagbulig nanda sa pagbaeay it mga Proposal ag Rekomendasyon para sa mga plano sa paea-abuton it Banwa. Sari-saring mga Developments ro ginpa-abot ku Alkalde sa mga participants kaparehas ku pagpangayo it lote it isaeang ka mabahoe nga kompanya agud magpatindog it andang negosyo ag kaeakip man ro planong pag-reclaim sa lugar it Brgy. Pook, Kalibo ku negosyante nga si Mr. Lucio Tan para pabahu-eon ro naga-eksister nga Jetty Port.

Sa pagpasilitar man ni Engr. Marlo Villanueva, MPDC Head anang gin-presentar rong Draft CLUP para rong plano hay hikapakita sa publiko para magiging participative ro pag-review sa Draft CLUP para rong pagbaton it publiko sa plano hay nagakabagay, kamana man ro CLUP hay ma-ako man it mga pumoeoyo nga nangin kaparte sanda. Rong Proposed Comprehensive Land Use Plan, hay ginatawag man nga General Plan, Master Plan o Land Use Plan. Isaea ra ka dokumento nga gin-desenyo para mangin giya sa magiging aksyon sa ulihi, may maeawigan nga Goals & Objectives para sa tanan nga aktibidad nga maga-apekto sa Local Government.

Matapos man nga gintipon ro mga rekomendasyon, iga-sumite ro CLUP sa Municipal Development Council MDC ma-deretso rayon sa Sangguniang Bayan it Kalibo, iga-endorso man rayon sa Sangguniang Panlalawigan it Akean para ma-review ku PLUC.