• Home
  • Commission on Elections, nagpahanumdom ku pag-umpisa it Election Period sa Enero 13 angot man sa Selebrasyon ku Kapiestahan ni Sr. Sto. Nino

Commission on Elections, nagpahanumdom ku pag-umpisa it Election Period sa Enero 13 angot man sa Selebrasyon ku Kapiestahan ni Sr. Sto. Nino

By: Doniel B Aguirre

Refer To: Ms. Fritzie Anne P Rillo, Information Officer

Tungod ku nagahieapit nga tiempo it kampanya kadungan man ku pag-selebrar ku Kapiestahan ni Sr. Sto. Nino de Kalibo, Ginhinyo ni Atty. Rommel Benliro, Election Officer it Banwang Kalibo sa mga Kapulisan ro hugot nga koordinasyon kung komisyon ag tanan nga mga Municipal Police Stations sa Probinsya it Akean.

Suno kana, kinahang-ean nga sundon ku mga Kapulisan umpisa it Enero 13 bilang umpisa it Election Period ro implementasyon it pagbawae ku pagdaea it mga baril, bala ag iba pang mga deadly weapons. Ro pag-implementar kara hay kinahang-ean nga sumunod sa Police Manual ag Comelec Resolutions & Election Laws. Eabi gid ro paghimo it mga Checkpoints, ro pagpang-dakup hay kinahang-ean ro nagaka-igo nga koordinasyon. Suno kay Benliro, agud maka-ubra sanda it mayad, kinahang-ean nanda ro koordinasyon ag team work sa parte it Kapulisan, Militar ag pati man ro Tri Media.