• Home
  • Coastal Waters it Kalibo, euwas sa Red Tide.

Coastal Waters it Kalibo, euwas sa Red Tide.

By: Doniel B Aguirre

Refer to: Ms. Fritzie Anne P Rillo, Information Officer

Base sa Shellfish Bulletin No. 16 series of 2018 nga ginpaguwa ku Bureau of Fisheries & Aquatic Resources, euwas sa Red Tide ro mga shellfish nga ginabaligya sa Kalibo Public Market. Suno sa BFAR, pwede man makaon ro mga isda, pusit, hipon ag mga alimango basta eamang nga hugasan it mayad ag ro mga internal organs kaparehas ku hasang ag mga kasudlan hay boe-un bago eaha-on.

Ginpa-abot pa gid ku BFAR nga kaibahan sa mga Coastal Waters nga libre sa Red Tide nga ginatawag man nga Paralytic Shellfish Poison hay ro Coastal Waters it Pilay, Panay, President Roxas, Roxas City Capiz, Sapian Bay, Ivisan ag Sapian sa Capiz, Mambuqiao ag Camanci, Batan. Kaeakip man ro Batan Bay ag Coastal Waters ku Altavas ag New Washington. Samtang nag-positibo man sa Red Tide ro pilang ka mga Coastal Waters ku Biliran Province, Leyte, Lianga Bay, Surigao Del Sur, Dauls ag Tagbilaran City ag Bohol, Honda Bay, Puerto Princesa City.

Rong Red Tide hay sangka grabeng pagbahoe it sangka grupo it mga Microscopic Algae. Sangka sahi ra it Phytoplankton sa eawod kun sa siin tungod ku masyadong kaabo it Algae sa sangka Coastal Water hay nakakata-o it kolor puea nga tubi ngani ginatawag nga Red Tide. Rong Red Tide hay nakakapatay sa pilang ka mga Marine Organisms kamana ku mga isda ag shellfish. Kun ro tawo hay maka-kaon it Shellfish nga kontaminado it Red Tide, maka-eksperyensiya imaw it Respiratory Irritations.