• Home

Category: News and Events

Sa pagtapos ku haeos sang buean nga training on sustainable livelihood program nga ginpatikasug it lgu kalibo ag dswd ku agosto 3, 2016, ginpasumpa ni mayor william lachica ro mga opisyales ku association of women waste recyclers of kalibo (aware-kalibo) sa ati-atihan county inn. Ro mga opisyales it aware hay ginakomponihan ku 28 ka mga benepisaryo it training on basic skills kaparehas ku bag making gamit ro mga recycled materials, souvenir items. Haeos sanda tanan hay mga waste pickers sa municipal landfill site sa brgy. Bachao sur nga gin-identify ku municipal solid waste management services kalibo nga ginapamunuan ni ms. Adorada reynaldo, pero ro iba kara kanda hay naghalin pa sa brgy. New buswang ag sa brgy. Poblacion.

Gindayaw gid ni engr. Jessie fegarido ro mga natapos nga proyekto it aware.  Suno kana, ro mga inubrahan it mga kababayehan hay sarang makipag-kompetensya sa iba man nga naga-ubra it mga souvenir items ag pwede ra i-sustain o padayunon. Ginpahayag man ni mayor william lachica nga magata-o imaw it lugar sa kalibo public market agud rikara iga-display ag iga-baligya ro mga produkto it aware.

Presente man sa nasambitan nga okasyon sanday hon. Phillip yerro kimpo jr., hon. Cynthia dela cruz ag hon. Buen joy french, ms. Rovi christine gonzales – project development officer ii, dswd – slp kun sa siin tanan sanda hay nagta-o it suporta sa proyekto it mga kababayehan. Ginpasaeamatan man it lgu kalibo sanday juvy de martin ag chrisleen anne sanchez, mga trainers, nga gin-umpisahan ku july 8, 16, 23, 24, 30 & 31, 2016.

 

Si kenjie dela cruz it linabuan norte elementary school ro iga-sukoe it probinsya it aklan sa pagahimuon nga regional search for exemplary child 2016 it pantawid pamilyang pilipino program o 4ps. Sa ginpatigayon nga search for exemplary child 2016 provincial level ku agosto 5, 2016, nangibabaw ro talento nga pagtukar it violin kadungan ro interpretative dance ni kenjie dela cruz kontra sa 16 pa gid ka mga inungang miembro it 4ps sa probinsya it aklan.

Nahabu-oe man ni kyrah z nalangan it libacao ro ikaywang pwesto ag sa ikatlong pwesto si guia garcia it numancia.

Mag-euwas pa sa pagka-buoe nana ku primerong pwesto, imaw man ra ro nagda-ug bilang best in scrapbook making.  Rong best in production number hay naadto sa banwa it numancia, rong best in talent hay si vonn chester remis it new washington, aklan ag ro best in interview hay si bea angela tejada it tangalan.

 

Nakataeana sa agosto 16 ro committee hearing parte sa draft ordinance no. 002 –  an ordinance regulating the use of modified engine mufflers on motor vehicles that amplify, instead of reduce, thereby increasing the noise emission to dangerous range and disturb the peace & quiet of the community nga ginproponer nanday hon. Mark quimpo ag hon. Daisy briones.

Suno kay hon. Quimpo, raya ro sabat sa mga pumoeoyo it brgy. Poblacion ag iba pang mga kabaeayan sa kilid it mga karsada. Kun sa siin nakaka-disturbo ro sangag it mga modified engine mufflers. Gindugang pa nana nga sa ibang lgus hay madineag-un ro pag-implementar it makarondayang ordinansa samtang sa parte mat-a it kalibo hay nagakinahang-ean pa gid it dugang nga pag-estudyo. Sa committee hearing sa masunod nga dominggo, paga-imbitahan ro lto, chief of police it kalibo, ro mayor’s office ag legal department pati man ro prosecutor’s office para maka-atender man sanda sa pulong.

Ginpa-abot pa ni hon. Quimpo nga si dating sb member ariel fernandez, bago nagtapos ro anang termino, hay may ginbaeay man nga ordinansa ag tungod nga indi eon nana hipadayon hay nagpangayo imaw it bulig nga padayunon eon lang ag ro ordinansa nga gin-proponer makaron hay revised version.

 

Gin-umpisahan eon it lokal nga gobyerno it kalibo sa pagpamuno ni mayor william lachica ro preparasyon ku annual budget para sa dag-on 2017 para sa general fund ag sa meedo ku agosto 3, 2016. Sa budget forum, ginpahayag it alkalde ro anang apresasyon sa mga department heads it lgu kalibo tungod sa temprano pa eamang hay gina-preparahan eon ro budget manual. Ginbilin nana sa tanan nga mga departamento nga ibutang ro mga kinahang-eanun ag kun anu pa gid ro dapat nga i-imprubar sa andang mga opisina kaibahan man ro mga kinahang-eanun it bilog nga banwa pina-agi sa sueat agud nga masayran nana it personal.

Gin-presentar man ni mr. Rey villaruel, municipal treasurer it banwang kalibo ro revenue generation performance para sa cy 2016 ag ro budget year 2017 estimated income. Samtang si ms. Medette viray, budget officer ii, ro nag-presentar ku mga budget forms. Gin-eksplekar man ni dr. Freddie malacas, municipal accountant, ro updates on new account codes. Naghimo man rayon it workshop kun sa siin ginbaeay ro vision, mission & goals ag rong budget proposal para sa dag-on 2017.

 

Matapos nga gintukod ni mayor william lachica ro kalibo environmental action team (keat), nagpaguwa sanda it pinaka-unang resolusyon nga naga suporta sa tanan nga mga municipal officials nga ginapamunuan it alkalde ag ro tanan nga mga kabarangayan nga i-implementar it eubusan ro solid waste management ordinance 2009-003 ag imaw man ro hugot nga pagtumar it aksyon sa problema it open dumpsite sa kalibo.

Sa resolution no. 2016-001 gin-eksplekar it keat ro pagka-tukod kanda pina-agi sa executive order no. 15 series 0f 2016 kun sa siin pila sa andang kawsa hay ro hipasiguro ro environmental protection and conservation kaeakip eon ro episyente nga pag-deliver it health and sanitation campaign ag iba pa. Ginasuportahan man it keat ro panawagan ku opisina ni presidente duterte nga i-implementar ro r.a. 9003 o kun ro ecological solid waste management act of 2000 eabi gid ro illegal dumping ag open sanitary landfill nga sa rayang rason, hugot gid nga nagapadumdom sa lgu ro pagtupad ku mandato kara.

Ro sangguniang bayan it kalibo, rong opisina ni mayor william lachica ag mga brgy. Officials hay gintaw-an man it kopya it resolusyon nga ginbaeay ku hulyo 29 sa meeting nga andang ginhimo.