• Home

Category: News and Events

Gin-umpisahan eon it lokal nga gobyerno it kalibo sa pagpamuno ni mayor william lachica ro preparasyon ku annual budget para sa dag-on 2017 para sa general fund ag sa meedo ku agosto 3, 2016. Sa budget forum, ginpahayag it alkalde ro anang apresasyon sa mga department heads it lgu kalibo tungod sa temprano pa eamang hay gina-preparahan eon ro budget manual. Ginbilin nana sa tanan nga mga departamento nga ibutang ro mga kinahang-eanun ag kun anu pa gid ro dapat nga i-imprubar sa andang mga opisina kaibahan man ro mga kinahang-eanun it bilog nga banwa pina-agi sa sueat agud nga masayran nana it personal.

Gin-presentar man ni mr. Rey villaruel, municipal treasurer it banwang kalibo ro revenue generation performance para sa cy 2016 ag ro budget year 2017 estimated income. Samtang si ms. Medette viray, budget officer ii, ro nag-presentar ku mga budget forms. Gin-eksplekar man ni dr. Freddie malacas, municipal accountant, ro updates on new account codes. Naghimo man rayon it workshop kun sa siin ginbaeay ro vision, mission & goals ag rong budget proposal para sa dag-on 2017.

Matapos nga gintukod ni mayor william lachica ro kalibo environmental action team (keat), nagpaguwa sanda it pinaka-unang resolusyon nga naga suporta sa tanan nga mga municipal officials nga ginapamunuan it alkalde ag ro tanan nga mga kabarangayan nga i-implementar it eubusan ro solid waste management ordinance 2009-003 ag imaw man ro hugot nga pagtumar it aksyon sa problema it open dumpsite sa kalibo.

Sa resolution no. 2016-001 gin-eksplekar it keat ro pagka-tukod kanda pina-agi sa executive order no. 15 series 0f 2016 kun sa siin pila sa andang kawsa hay ro hipasiguro ro environmental protection and conservation kaeakip eon ro episyente nga pag-deliver it health and sanitation campaign ag iba pa. Ginasuportahan man it keat ro panawagan ku opisina ni presidente duterte nga i-implementar ro r.a. 9003 o kun ro ecological solid waste management act of 2000 eabi gid ro illegal dumping ag open sanitary landfill nga sa rayang rason, hugot gid nga nagapadumdom sa lgu ro pagtupad ku mandato kara.

Ro sangguniang bayan it kalibo, rong opisina ni mayor william lachica ag mga brgy. Officials hay gintaw-an man it kopya it resolusyon nga ginbaeay ku hulyo 29 sa meeting nga andang ginhimo.

Gin-klaro ni mayor william lachica sa monday flag ceremony kahapon nga uwa it release para sa emergency shelter assistance (esa) second priority rong dswd ag lgu kalibo. Sa pag-update it alkalde sa mga aktibidad ku anang taeatapan, ginbalita nana ro anang ginhimo nga pag-follow-up sa regional director it dswd agud ikonsulta ro nabilin nga p27,380,000.00 nga para sa munisipyo it kalibo. Ginpa-abot it alkalde nga suno sa regional director it dswd, gintaw-an eon nana it mando ro anang assistant nga sigurohon nga ro tanan nga mga pangaean nga uwa nakabaton it bulig matapos nga gindaeasa it bagyong yolanda hay mataw-an eon sa madali nga panahon.

Ginapasumite eagi ro listahan sa regional office it dswd ku uwa naka-agum it emergency shelter assistance para nga matapos eon ro problema it kalibo. Ginpahayag pa ku regional director it dswd nga maswerte pa ro banwa it kalibo tungod may nabilin pa nga pondo. Nakipag-istorya man eon sanda sa commission on audit angot sa pagpabalik it nabilin nga pondo pero nagpa-abot ro dswd nga indi eon ra ibalik sa ahensya ag sa baylo hay ita-o eon lang sa mga pumoeoyo it kalibo. Ginpa-abot ni mayor william lachica nga magahimo imaw it meeting kaibahan ro representante it bayan muna, mga kabaranggayan it kalibo ag dswd para ma-identify eon ro mga benepisaryo it esa.

Dugang kara, gina-umpisahan eon nga ibutang ro golden salakot o kun sarok sa may d. Maagma st., matapos nga ginsaylo ra halin sa crossing banga-new washington. Ginpakilaea man it alkalde ro bag-ong traffic pnco it kalibo municipal police station nga si spo1 raymund abogadie. Ginpangayo man it alkalde ro mensahe ni hon. Phillip yerro kimpo jr., bag-ong eliher nga sangguniang bayan it kalibo, kun sa siin imaw ro chairperson ku committee on tourism.

Suportado it munisipyo it kalibo ro programa ku dept. Of health nga national program of zero open defecation program (zodp), pina-agi sa resolusyon nga ginproponer ni hon. Cynthia dela cruz it kalibo sangguniang bayan.   Kaeakip sa resolusyon ro pagmando sa municipal health office nga i-implementar ro nasambitan nga health program. Sa pagpahayag ku committee chairperson on health, sa sanitasyon, naga-problema ro pilipinas kara kun sa siin mga 26% it mga tawo hay uwa it sanitary toilet ag 7% sa 26% hay naga-practice it open defecation.

Base man sa record ku municipal health office, 243 household ro uwa it sanitary toilet eabi gid ro maeapit sa river bank. Rason man nga ginamanduan ro mho kalibo ag mga punong brgy. Nga i-implementar ro programa sa sueod it mga sang dag-on. Pila sa mga plano ni hon. Dela cruz mag-euwas nga may una eon nga toilet bowl, magata-o it training parte sa carpentry ag masonry imaw man ro pagta-o it semento para sa epektibong implementasyon it proyekto ag pati man ro uman nga pagbuhi it sagibin.

Ro proyekto hay iga-implementar sa kada brgy. Sa pakikipagbueoligan man sa pilang ka mga organizations. Magaserbe nga 2 pilot area it proyekto ro c. Laserna st ag brgy. Tinigaw sa kalibo.

May kaangtanan sa hueag makaron it gobyerno nga maduea ro droga sa komunidad, nagpasar it resolusyon ro sangguniang bayan it kalibo nga naga-alokar it pondo para sa paghimo it mandatory nga paghimo it dag-unan nga random drug testing sa tanan nga mga municipal officials ag mga empleyado ku munisipyo makaron nga dag-on. Sa joint resolution no. 012 nanday hon. Cynthia dela cruz, hon. Daisy briones ag hon. Buen joy french, indi eamang pabay-an sa gobyerno nasyonal ro pakikipag-away sa droga kundi kinahang-ean man nga ro mga opisyales ag empleyado it lgu kalibo hay magpa-idaeom sa drug test agud hipaeayo ro impluwensya it droga sa munisipyo.

Nagakinahang-ean man ra it alokasyon ngani pagataw-an man it kopya it resolusyon si dr. Makarius tel aviv dela cruz agud masayran ro pondo nga pagakinahang-eanon. Paga-konsiderahan ku munisipyo ro numero it mga empleyado nga dapat ipa-idaeom sa drug testing umpisa makaron nga dag-on.

Ginapangayo gid it konseho it kalibo ro igtaeopangud ku opisina ni mayor william lachica agud pangunahan ro pag-alokar it pondo para sa mandatory nga pagpatigayon it drug testing sa mga empleyado ag opisyales.