• Home

Category: News and Events

Gin-aprubahan it sangguniang bayan it kalibo ro hinyo ni sb member phillip yerro kimpo jr., nga makahimo it market study ro dept. Of energy pero uwa it bayad halin sa munisipyo angot sa pag-gamit it d.o.e. electric tricycle bilang tourist eco-shuttle ag imaw man ro integration kara sa transport system it kalibo, kaibahan eon ro financial, economic ag operational nga aspeto it e-trike project.

Sa pag-eksplekar ni sb member kimpo, rong e-trike project hay gina-implementar sa bug-os nga nasyon sa handum ku ahensya nga maduea eon ro naka-andan nga mga tricycle ag bayluhan it e-tricycle.  Amat-amat nanda nga paga-bayluhan ro mga tricycle nga nagabyahe sa mga ruta makaron.   Nagapati ro doe nga bukon it bagay sa kalibo tungod ku maabong mga tricycle eon ag tungod nga iga-turn over it doe ro pagdumaea it e-trike sa kalibo agud raya ro maga-operate o maga-kolekta it boundary. Bangud man nga  basi indi makayanan it kalibo nga mabu-oe ro required boundary, gusto lang nanda nga mangin tourism shuttle ro e-trike.  Sa rondayang kaangtanan, nag-offer ro doe it libre nga market study. Kun mabaton eon it doe ro otorisasyon, magapadaea sanda it team nga magahimo it market study agud masayran kun nagakabagay gid man ro e-trike project sa kalibo.

ginpahayag pa gid ni sb member kimpo nga nakatuon ro market study sa tourism shuttle implementation ag bukon it para baylohan ro mga tricycles sa kalibo. Sa pag-estudyo man masayran it lgu kalibo ro magiging pangutana kara ag sa ulihi paga-desidihan kun aprubahan raya o kun indi.

Bukon eon it honorable ro igatawag sa mga elihadong opisyal it banwang kalibo partikular ro mga sangguniang bayan members. Sa draft resolution no. 032 – a resolution requesting the bureaucracy of lgu kalibo to refrain from addressing all elected officials of this municipality as “honorables” in all official communications and documents nga gin-proponer nanday sb member cynthia dela cruz, sb member daisy briones ag sb member buen joy v french, pabor kara ro tanan nga mga sb members.

Para sa ibang mga miembro it konseho tamang-tama eamang nga sb members ro itawag kanda samtang gin-proponer man ni sb member mark vega quimpo nga taw-an it kopya ku resolusyon ro 16 ka kabaranggayan it kalibo para sa andang impormasyon ag kun pwede hay ma-adaptar man.

Suno man kay sb secretary diana fegarido, nakasaad sa local government code nga ro designasyon hay sb member pero bago pa ro local govt. Code hay ginatawag sanda nga councilor.

5 gid ka mga eskwelahan sa munisipalidad it kalibo ro nagdaug sa 2016 division search for brigada eskwela best implementers. Sa resolution no. 021 nga gin-proponer ni hon. Philip yerro kimpo jr., sa sangguniang bayan it kalibo ana nga ginpahayag ro pagpanginbulahan sa 5 ka public schools kaparehas ku: kalibo pilot elementary school, regional science high school for region vi, kalibo integrated sped center, tinigaw elementary school ag bakhaw norte integrated school.

Dugang kara, ginpanginbulahan pa gid it konseho it kalibo si mr. Wilfredo neri matapos nga nagta-o imaw it dungog sa kalibo sa bag-ong tapos nga 2016 asian schools chess championship nga ginhimo sa tehran, iran. Sa resolution no. 022 nga ginproponer gihapon nanday hon. Philip yerro kimpo jr.,  ag hon. Mark vega quimpo, madinaeag-un gid ro delegasyon it aklan sa pagpamuno ni mr. Neri. Suno kay hon. Kimpo, sa hampang nga chess, mabahoe ro tsansa nga magdaug sa mga kompetisyon  ikumpara sa basketball.

 si mr. Wilfredo neri suno kay hon. Kimpo hay mayad nga coach ag chess player ag sangka kalibonhon. Rong tournament sa tehran, iran hay mabahoe nga event kun sa siin 19 ka mga nasyon ro nagpartisipar pero 15 eamang ro ginpadaea it pilipinas ag nabu-oe it nasyon ro 2nd place sa iran,  ikumpara sa may kapin sa 100 delegates.

Sa programang samakana o kun sa tagaeog hay sasama ka na? (lets do it together), madinaeag-un nga hapakita it mga jica volunteers ro andang mga expertise sa nagakasari-saring mga fields kaparehas ku environment, community, vegetable ag disaster  ku  agosto 9, 2016, sa mga participants halin sa munisipyo it kalibo, mga brgy. Sa kalibo, elementary schools, pdrrmo, phil. Red cross ag iba pa.

Rong samakana hay programa it jica volunteers nga nakabase sa aklan, antique, negros oriental sa pakikipagbueoligan sa municipal disaster risk reduction & management office kalibo sa handum nga makipag-bueoligan sa mga departamento ku munisipalidad it kalibo ag sa iba pang mga opisina pag-abot sa disasters. Sa pagpamuno ni mr. Tatsuya hada, jica volunteer ag mr. Luke william butley, australian volunteer for international development nga parehong naga-opisina sa munisipyo it kalibo, gintalakay ro mga masunod: introduction to disaster related environment, sanitary education, persons with disabilities in emergency, taking measures against typhoon for agriculture, ginpakilaea man ro disaster risk reduction and management practices it japan ag australia. Ginpakita man ku mga jica volunteers ro kultura it japan samtang gin-istorya ro natabo sa nasyon nga japan imaw man rong leksyon nga andang natun-an matapos nga ginbomba it atomic bomb ro hiroshima ag nagasaki.

Ro mga jica volunteers nga nag-eksplekar it mga topiko hay sanday: naoko inoue it sibalom antique, junko aoki it banga, aklan, keisuke miyakawa it libacao, natsumi tanida it san jose antique, hediyuki mori it kanlaon, negros, wakana horikiri it sebaste, antique ag satoko kono it pola, mindoro.

Sa pagtapos ku haeos sang buean nga training on sustainable livelihood program nga ginpatikasug it lgu kalibo ag dswd ku agosto 3, 2016, ginpasumpa ni mayor william lachica ro mga opisyales ku association of women waste recyclers of kalibo (aware-kalibo) sa ati-atihan county inn. Ro mga opisyales it aware hay ginakomponihan ku 28 ka mga benepisaryo it training on basic skills kaparehas ku bag making gamit ro mga recycled materials, souvenir items. Haeos sanda tanan hay mga waste pickers sa municipal landfill site sa brgy. Bachao sur nga gin-identify ku municipal solid waste management services kalibo nga ginapamunuan ni ms. Adorada reynaldo, pero ro iba kara kanda hay naghalin pa sa brgy. New buswang ag sa brgy. Poblacion.

Gindayaw gid ni engr. Jessie fegarido ro mga natapos nga proyekto it aware.  Suno kana, ro mga inubrahan it mga kababayehan hay sarang makipag-kompetensya sa iba man nga naga-ubra it mga souvenir items ag pwede ra i-sustain o padayunon. Ginpahayag man ni mayor william lachica nga magata-o imaw it lugar sa kalibo public market agud rikara iga-display ag iga-baligya ro mga produkto it aware.

Presente man sa nasambitan nga okasyon sanday hon. Phillip yerro kimpo jr., hon. Cynthia dela cruz ag hon. Buen joy french, ms. Rovi christine gonzales – project development officer ii, dswd – slp kun sa siin tanan sanda hay nagta-o it suporta sa proyekto it mga kababayehan. Ginpasaeamatan man it lgu kalibo sanday juvy de martin ag chrisleen anne sanchez, mga trainers, nga gin-umpisahan ku july 8, 16, 23, 24, 30 & 31, 2016.