• Home
  • Business Forum 2019, madinaeag-un

Business Forum 2019, madinaeag-un

20 NOVEMBER 2019

By: Doniel B Aguirre

Refer To: Ms. Fritzie Anne P Rillo, Information Officer

Edited By: Basilides T Tabernilla, Executive Assistant Ii

Nagpa-abot gid it kalipay si Mr. Rey Villaruel, Municipal Treasurer it Banwang Kalibo sa mabinungahon nga pag-himo ku Business Forum 2019 kahapon adlaw nga Martes, Nobyembre 19 sa Roz & Angelique’s Café, Kalibo, Aklan. Eubos gid nga ginpasaeamatan ku Municipal Treasurer it Kalibo ro presensya ni Director Nino Raymond B Alvina, Executive Director ku Bureau of Local Government & Finance BLGF kaibahan man si Regional Director Herminigilda Garsula, ku BLGF VI ag sa tanan nga mga resource speakers nga nagpa-abot it nanari-saring mga serbisyo ag produkto gamit ro makabag-ong teknolohiya makaron. Gina-eauman gid ni Villaruel nga magpadayon pa gid ro Business Forum para sa ikamayad it bukon eamang ku mga Kalibonhon kundi kaeakip man ro Business Establishments ag Stakeholders para sa pag-umwad.

Gin-apresyar gid ni Mayor Emerson Lachica ro sektor it negosyo sa Kalibo tungod sa paging madasig kung pagsaka it kita kung Munisipalidad. Si Mr. Ramel Buncalan, Presidente kung Phil. Chamber of Commerce & Industry Aklan ro nag-abe-abe sa mga nagtambong sa aktibidad.

Presente ag gintalakay ku mga masunod nga resource speakers ro mga masunod nga produkto, serbisyo ag mga patakaran sa pagpamayad-ayad ku pag-negosyo sa Banwa it Kalibo kamana nanday: Kenneth Jaum, Customer Development Manager Aklan & Capiz Globe Telecom,; Ms. Jeanette Pam Belardo, Head Business Development I-pay MYeg Phil., Inc., ; Dino Punsaran, LGOO VI, Cluster Head DILG, AVP Emelyn Justiniano, Head Cash Management Solutions Dept. kung Land Bank Of The Phils., Rivi Anne Feria, Cash Management Officer, Branch Banking Group, Western Visayas Devt. Bank of the Phils, Regina Dianne Escalona, Account Officer Panay Lending Center, Devt. Bank of the Phils., Aesop Augustus Cortes, Branch Head, Phil. Veterans Bank – Kalibo ag Ms. Crisyla Sabandal, Trade & Industry Development Specialist kung Dept. of Trade & Industry Aklan.