• Home
  • Bulig it Munispyo sa mga Barangay it Kalibo, ginahinyo nga magtaas

Bulig it Munispyo sa mga Barangay it Kalibo, ginahinyo nga magtaas

By: Doniel B Aguirre

Refer to: Ms. Fritzie Anne P Rillo, Information Officer

Editor: Mr. Basilides T Tabernilla, Executive Assistant II

Suportado gid ku Konseho it Banwang Kalibo ro Resolusyon nga nagahinyo kay Mayor Emerson Lachica nga mag-alokar it P 1 Million Infrastructure Project sa 16 ka mga kabaranggayan it Kalibo sa masunod nga dag-on. Sa pagpahayag ni Vice Mayor Cynthia Dela Cruz, sa ginhimo nga budget hearing sa Munisipyo it Kalibo, naha-taeakay ro pagta-o it pondo sa mga barangay. tungod kara, ginhinyo kara nga mangin 1 Million Pesos ro igata-o nga bulig it Banwa sa kada baryo para maabo ro mahimong proyekto agud mabuhin-buhinan ro pag-ginutok it tawo ag saeakyan iya sa banwa, makatuga it trabaho ag mabuhinan ro kriminalidad ag kawawad-on it trabaho.

Suno kay dela cruz, maabong mga karsada sa baryo ro kinahang-ean nga hika-ayad eabi gid nga ro Kalibo hay naga-handum nga mangin siudad. Sa rondayang kabangdanan, gin-rekomendar kung Sangguniang Bayan it Kalibo sa tanan nga kabaranggayan nga magpahaum eon it mga proposal kaeakip man ro Liga ng mga Brgy. sa gin-hinyo nga mag-pasar it Resolusyon nga naga-suporta sa Resolusyon kung Sangguniang Bayan.

Co – sponsors sa nahinambitan nga Resolusyon sanday Sb Members: Ronald Marte, Mark Quimpo, Ketchie Luces, Buen Joy French, Matt Aaron Guzman ag Romylene Joy Flores.

Do NOT follow this link or you will be banned from the site!