• Home
  • Binaeay-Bay agud padunggan ro Desi Nueve Martires, madinaeag-un

Binaeay-Bay agud padunggan ro Desi Nueve Martires, madinaeag-un

25 MARCH 2019

Subject: Binaeay-Bay agud padunggan ro Desi Nueve Martires, madinaeag-un

By: Doniel B Aguirre

Refer To: Ms. Fritzie Anne P Rillo, Information Officer

10 ka mga Estudyante halin sa nagakasari-saring Eskwelahan sa Probinsya it Akean ro nagpartisipar sa Binaeay-bay A Spoken Word Contest ku gabi-i it Marso 23 sa Aklan Freedom Shrine. Sa pagpasilitar ku Public Affairs Information & Communications Division PAICD, ginpadunggan ku mga inunga ro 19 ka mga Martires it Probinsya pina-agi sa Binaeay-bay nga nagatalakay ku andang nangin kabuhi ag mga inagyan ma-agum eamang ro kahilwayan.

Rong 3RD Place Winner sa pinaka-premerong Binaeay-Bay Spoken Word Contest sa idaeom ku PAICD hay si Ms. Laika Mae Suyod it Maloco Natl. Highschool nga may piesa nga Nagtaliwan ag nag-uli it premyo nga P500.00. 2ND Place – Ms. Aira Joy Briones halin sa Gaudencio Vega Natl. Highschool nga may piesa nga Hinaead Nga Kabuhi ag nag-uli it P1,000 ag libro halin kay Maria Zolita Zaldivar Guzman may titulo nga Meding & Nanny. Samtang ro 1ST Place hay si Ms. Jed Nykolle Harme nga may piesa nga Haead nga Dugo hay nag-uli it P2,000 Cash ag Libro halin kay Maria Zolita Zaldivar Guzman may titulo nga Meding & Nanny. Ro 7 nga uwa nagdaug hay nagbaton man it tig P200.00 bilang Consolation Prize.

4 ka mga huwes ro ginpili ku Munisipyo it Kalibo kaparehas nanday: Tita Linda Belayro, Mr. Jomer Villorente Protacio, Jay-R Macahilas ag Mr. Arthur peracullo. Ro mga eskwelahan ag estudyante nga nagsumite it andang mga piesa sa Munisipyo it Kalibo hay ro Makato Integrated School, Numancia Integrated School, Tabon Integrated School, Northwestern Visayan Colleges, Gaudencio L Vega Natl. Highschool, Anselmo B Legaspi Natl. Highschool, Maloco Natl. Highschool ag Linabuan Natl. Highschool.

Rong Spoken Word o kun Binaeay-bay hay sangka Creative Writing nga ginapa-athag pina-agi sa tula o paghathat it sangka istorya.