• Home
  • Bidding para sa 2nd floor it Kalibo Eastern Side Terminal sa Agosto 7 eon

Bidding para sa 2nd floor it Kalibo Eastern Side Terminal sa Agosto 7 eon

30 JULY 2019

Subject: Bidding para sa 2nd floor it Kalibo Eastern Side Terminal sa Agosto 7 eon

By: Doniel B Aguirre

Refer To: Ms. Fritzie Anne P Rillo, Information Office

Ginapahisayud kung Municipal Economic Enterprise and Development Office it Kalibo sa mga naka-aplay eon para sa bakante nga espasyo sa 2nd floor it Eastern Side Terminal nga nahamtang sa San Lorenzo Drive, Kalibo, Aklan hay nakataeana eon sa Agosto 7 it rayang dag-on ag maga-umpisa ro bidding it mga alas nueve y media sa agahon sa 2nd Floor Conference Hall it Kalibo Municipal Building.

Kun may una pa gid nga intresadong mag-entra sa bidding hay umadto eamang sa Taeapatan ku Meedo Administrative Division bago umabot ro Agosto 7 agud maka-bu-oe it nagaka-igo nga application forms sa MEEDO.

Kun sin-o pa gid ro intresado nga mag-entra sa bidding para sa Canteen/Souvenir Shop sa Tigayon Hill sa Barangay Tigayon sa Agosto 7 hay ginapangabay nga umadto gihapon sa MEEDO Office bago mag-abot ro Agosto 7 para maka-bu-oe it application form ag maka-entra sa public bidding.