• Home
  • BFP Kalibo, iga-selebrar ro Fire Prevention Month makaron nga Marso

BFP Kalibo, iga-selebrar ro Fire Prevention Month makaron nga Marso

By: Doniel B Aguirre

Refer To: Ms. Fritzie Anne P Rillo, Information Officer

Nagakasari-saring mga programa ag aktibidad ro ginapahaum makaron ku Bureau of Fire Protection Kalibo. Suno kay FO3 Andre Von Ruan, Chief Pre Fire Planning & Training & Community Relations Section Chief, magatunog ro mga sirena it mga Fire Truck sa Marso 1 adlaw nga biernes it mga bandang alas 6 it agahon. May misa man nga pagahimuon it mga alas 7 sa agahon sa Kalibo Fire Station nga pagasundan it Blessing it mismong Fire Station ag mga Fire Trucks. Magata-o pa gid sanda it mga Certificates nga tanda it pagpasaeamat ag apresasyon sa mga indibidwal ag grupo nga nakabulig gid sa andang taeatapan.

May pagahimuon man nga Motorcade ro Kalibo Fire Station sa agahon samtang ro Bureau of Fire Protection Provincial Office hay may motorcade man sa hapon sa mga nagapangunang karsadahon sa Banwa it Kalibo. Ro Monday Flag Raising Ceremony ku Munisipyo it Kalibo hay pagapangunahan ku BFP Kalibo kun sa siin magata-o sanda it mga Fire Safety and Prevention Tips. Ginpabutyag pa gid ni Ruan nga maga-umpisa man sanda nga magata-o it Training, Seminars, Lectures ag Drills sa mga nag-request kara kanda.

Pila pa gid sa andang ginatinguha nga aktibidad hay pagpatigayon it Mobile Exhibit sa mga Malls kun sa siin sarang makita ro mga litrato it andang trabaho, pagpanupod it mga Awareness Brochures ag flyers ag igapakita man ro mga Fire Fighting Equipment ag ro pinaka-katapusan nga exhibit hay pagahimuon mismo sa BFP Kalibo Building ag pwede man maka-asister sa mga estudyante nga gustong mag tour sa andang taeatapan.