• Home
  • Banwang Kalibo, Kaibahan sa Magabulig sa Coastal Clean Up sa Banwang Ibajay. May 16, 2018

Banwang Kalibo, Kaibahan sa Magabulig sa Coastal Clean Up sa Banwang Ibajay. May 16, 2018

By: Doniel B Aguirre

Refer to: Ms. Fritzie Anne P Rillo, Information Officer

Angot sa hinyo ku Bureau of Fisheries and Aquatic Resources Aklan sa Munisipalidad it Kalibo nga magpadaea it Bantay Dagat o bisan miembro it mga Asosasyon it mga mangingisda sa Banwa it Kalibo agud magbulig sa pagahimuon nga Coastal Clean Up sa Coastline it Ibajay sa Mayo 23, 2018, nakikipag-koordinar eon ro Munisipyo it Kalibo sa pagpamuno ni Mayor William Lachica ag Agricultural Services Division sa pagpamuno ni Mr. Primo Ebesate Jr., sa mga Fisherfolks Association it Banwang Kalibo agud magbulig sa rondayang hilikuton.

Base sa komunikasyon nga ginpadaea ni Mr. May Guanco, Officer in Charge, ro buean it Mayo hay kahigayunan para sa mga mangunguma ag mangingisda nga ma-apresyar ag kilaeahon ro uwa it kaga-uyan nanda nga pag-amlig sa kadagatan ag kaeanasan. Rikara man gina-paagi ku gobyerno ro pagkilaea sa papel it mangingisda ag mangunguma bilang partner it gobyerno para sa Poverty Alleviation ag Food Security.

Rong Coastal Clean Up ro highlight it selebrasyon kun sa siin 11 ka Coastal Municipalities nga may tig 5 ka representante ro magapartisipar gamit ro kaugalingon nanda kara nga mga Bantay Dagat Patrol Boat. Suporta pa gid ra sa mga ibajaynon sa pag-entra nanda sa MMK: Search for Regional Outstanding Coastal Community 2018. Raya ro kauna-unahan nga Entry it Akean matapos nga ro MMK – Malinis at Masaganang Karagatan Program nga gin-umpisahan ku 2016. Banner Program ra ni Presidente Duterte pina-agi sa Dept. of Agriculture ag Bureau of Fisheries & Aquatic Resources sa katuyuan nga i-promote ro Fisheries Production and Conservation.