• Home
  • Banwa it Kalibo, magapartisipar sa Natl. Simultaneous Earth Quake Drill sa Huwebes

Banwa it Kalibo, magapartisipar sa Natl. Simultaneous Earth Quake Drill sa Huwebes

17 JUNE 2019

By: Doniel B Aguirre

Refer To: Ms. Fritzie Anne P Rillo, Information Office

Bilang pagpahaum sa pagpartisipar sa Nationwide Simultaneous Earthquake Drill sa Huwebes, isaeang ka Coordination Meeting ro ginpatawag ku Municipal Disaster Risk Reduction & Management Office it Kalibo kaibahan ro Office of the Civil Defense Region 6 ag mga Department Heads ku Munisipyo it Kalibo.

Sa pagpahayag ni Mr. Terence June Toriano, LDRRMO III it LGU Kalibo, sa 2nd Quarter eon ro ginahimo nga Nationwide Simultaneous Earthquake Drill kun sa siin ro Legal Basis ku paghimo kara kada dag-on hay nakabase sa Rule 6, Section 7 ku Implementing Rules & Regulations it RA 10121 nga nagasaad nga kinahang-ean may kasayuran ro publiko pina-agi sa regular nga paghimo it Earthquake Drill ro Local Disaster Risk Reduction & Management Office. Ro National Disaster Risk Reduction & Management Plan nagasaad nga mag-develop ag mag-ubra it mga Scenario Based Preparedness & Response Plans.

10 ka mga Regional Evaluators ro magatan-aw ku kahauman it Munisipyo sa pag-abot it isaeang ka linog sa Munisipalidad. Pila man sa mga ueobrahon ku MDRRMO Kalibo hay ro mga masunod: Earthquake Drill nga pagapartisipahan it tanan nga mga Empleyado kaeakip ro mga kliyente, pag-implementar it Incident Command System ag Emergency Operations Center System, paghimo it Extrication ag Medical Management it mga pasyente, paghimo it Operation Control ag pag-establisar it Camp Management Activities ag Welfare Desk, Security Management, paghimo it Fire Suppression Activities, Urban Search & Rescue Wall Breaching ag High Angle Access ag High Angle Extrication Operation.