• Home
  • Banwa it Kalibo, gustong makabaton it New Deped Series Educational Materials

Banwa it Kalibo, gustong makabaton it New Deped Series Educational Materials

04 MARCH 2019

By: Doniel B Aguirre

Refer To: Ms. Fritzie Anne P Rillo, Information Officer

Matapos nga gin-lunsar ku Department of Education Central Office ro programang “Deped Series” nga sangka Nationwide nga distribution it mga bag-ong Educational Materials, gusto makaron ku Konseho it Banwang Kalibo nga ro Banwa it Kalibo ro tempranong maka-angkon it mga bag-ong Educational Materials.

Sa Resolusyon nga gin-proponer ni SB Member Phillip Yerro Kimpo Jr., 21,000 ka mga Posters ag Education Materials ro plano igapa-eapta sa bug-os nga nasyon ag nagaka-angot gihapon sa ginhambae ni Pres. Duterte nga pabor imaw nga maduea ro itsura it mga politiko sa mga townhalls ag eskwelahan ag islan ku mga pictures it scientists ag mga national artists ag mga baganihan nga bukon pa gid it masyadong kilaea.

Gusto gid ni Kimpo nga isaea ro Banwa it Kalibo nga mataw-an it prayoridad sa distribusyon it rondayang bag-o nga mga Education Materials rason nga gin-proponer kara ro Resolusyon. Mag-euwas sa kagustohan nga makapangayo it nasambitan nga mga Educational Materials, ginapakita pa gid sa Resolusyon ro kahauman it Sangguniang Bayan nga mag-koordinar sa Public and Private Partnership agud maka-tuga it kaparehas ag Locallized Materials partikular ro pag-translate it mga Local Groups sa Bisaeang Akeanon agud ma-intidihan ag igadugang pa gid ro mga posters it mga Baganihang Akeanon.