• Home
  • Banwa it Kalibo, benipisaryo gihapon it RAY III.

Banwa it Kalibo, benipisaryo gihapon it RAY III.

By: Doniel B Aguirre
Refer to: Mr. Efren Trinidad, Executive Assistant to the Mayor

Bangud ku mayad-ayad nga implementasyon ku mga Proyekto it Recovery Assistance for Yolanda Batches 1 ag 2, benipisaryo gihapon it katapusan nga Batch it Recovery Assistance for Yolanda RAY 3 ro Banwa it Kalibo makaron. Suno kay Ms. Valerie Briones, MLGOO it LGU Kalibo, ro tatlo ka mga Batches it Ray Projects hay gin-proposed ku 2015 ag gin-aprubahan it Presidente it mga daywang dominggo rong nakataliwan ngani kinahang-ean dasigon ro pagbaeay it MOA sa tunga ku LGU Kalibo ag DILG. P6,000,046,190 ro naka-alokar sa mga Kabaranggayan  it Kalibo partikular ro Bakhaw Sur, Linabuan Norte, Caano, Nalook, New Buswang, Pook, Tigayon, nga tig P300,000.00. P2,900,000.00 man para sa Municipal Facility ag sa Bakhaw Norte Project nga P 746,190.00, pwedeng gamiton ro pondo sa pag-rehabilitar it Brgy. Halls, Evacuation Centers, Multi Purpose Buildings, Civic Centers o Multipurpose Halls, Water System ag Brgy. Health Stations.

Ginpahayag pa gid ku MLGOO it Kalibo nga iga-rehabilitar ro Canteen sa may Pastrana Park sa may Martelino St. indi man ma-kubre it P2.9M ro bilog nga rehabilitasyon it Canteen pero pwede eon ma-improbar ro Ground Floor ag sa indi man magbuhay hay hika-establisar bilang People’s Center. Ro pondo hay iga-download sa LGU Kalibo ag iga-implementar paagi sa Administrasyon samtang ro P2.9M hay iga-implementar it Winning Contractor.

Ro iba man nga Kabaranggayan sa Kalibo hay naha-una eon nga naka-avail it RAY Assistance ku Batch 2 it Recovery Assistance for Yolanda RAY eabi gid ro mga nakahingabot sa deadline it pagpasa, nakasueod sa Criteria ag nakapangaean sa Brgy. ro titulo it eogta nga gina-tindugan it pasilidad nga iga-rehabilitar.