• Home
  • Bantay Karne Task Force it Kalibo, may mga rekomendasyon kontra sa mga pasaway nga Establisimiento

Bantay Karne Task Force it Kalibo, may mga rekomendasyon kontra sa mga pasaway nga Establisimiento

By: Doniel B Aguirre

Refer to: Ms. Fritzie Anne P Rillo, Information Officer

Nagkasari-saring mga rekomendasyon ro ginpa-abot ku Task Force Bantay Karne agud ma-proteksyonan ro mayad nga eawas it mga Kalibonhon nga magabakae eabi gid makaron nga nagahieapit ro Paskwa ag Kapiestahan ni Sr. Sto. Nino.

Pila sa mga rekomendasyon hay pagpatigayon it Food Handlers Seminar sa tanan nga mga Food Handlers bago sanda mataw-an it Health Card ag ma-renew pa gid ro mga Business Permits. Sa rondayang paagi, igaturo sa mga Empleyado it mga Negosyo ro husto nga pag-preparar it mga pagkaon nga gina-serbe ag ro posibleng masakit nga mabu-oe it mga nagabakae kun bukon it tama ro pagbuyot it mga pagkaon. Igapahanumdom pa gid ku mga Sanitary Inspectors sa mga Empleyado it mga nagabaligya it pagkaon nga mag-renew sa hustong oras it mga Health Card ag regular nga eksaminasyon it andang mga Empleyado. Gin-rekomendar pa gid sa nasambitan nga Task Force Karne meeting kahapon nga ipasara sa Punong Ehikutibo ro mga establisimiento nga pasaway o kun mabuhay eon nga uwa nagasunod sa mga patakaran it Munisipyo.

Ro mga Meat Inspection man hay nag-report it andang mga Accomplishments, kaeakip man ro Meat Inspection sa Slaughter House, ro mga Sanitation Inspectors nga naka-destino sa Rural Health Unit it Kalibo.