• Home
  • Bantay Dagat it Kalibo, ginatukod eon

Bantay Dagat it Kalibo, ginatukod eon

04 SEPTEMBER 2019

By: Doniel B Aguirre

Refer To: Ms. Fritzie Anne P Rillo, Information Office

Gina-umpisahan eon makaron ku Banwa it Kalibo nga itukod ro Bantay Dagat. Sa sueod it ap-at (4) nga adlaw nga training nga ginatawag nga Fishery Law Enforcement Enhancement Training (FLEET) para sa mga Bantay Dagat nga nag-umpisa kahapon Setyembre 3 it rayang dag-on sa Bea’s Partymates, Brgy. Andagao, kalibo.

Sa pagpatigayon ku Agricultural Services Division it Munisipyo, ginkangay kara ro Bureau of Fisheries & Aquatic Resources Law Enforcement Unit agud taw-an it kaaeaman ro mga ginpadaeang mga Fisherfolks it Brgy. Mabilo, Caano, Pook, Andagao, Buswang Old ag New Buswang, Bakhaw Sur ag Bakhaw Norte kaibahan ro anda karang mga Brgy. Kagawad.

Ginpa-butyag ku BFAR 6 nga kinahang-ean magpamati ag magkooperar ro mga pumasaeakup/tumaeambong sa sueod it ap-at (4) nga adlaw nga training bangud sa igapa-idaeom sa test ro lebel it kaaeaman nanda bago mataw-an it deputasyon gahum o kun responsibilidad bilang mga Bantay Dagat.