• Home
  • Bag-ong Alkalde it Kalibo, gin-hathat sa tawo ro mga hinimuan sa sueod it primerong unang sang gatos nga mga adlaw

Bag-ong Alkalde it Kalibo, gin-hathat sa tawo ro mga hinimuan sa sueod it primerong unang sang gatos nga mga adlaw

21 OCTOBER 2019

By: Doniel B Aguirre

Refer To: Ms. Fritzie Anne P Rillo, Information Office

Madinaeag-un nga ginpa-athag ni Mayor Emerson Lachica ro anang mga hinimuan sa Unang Sang Gatos nga adlaw bilang Alkalde it Banwang Kalibo ku Biernes, Oktubre 18. Sa prente ku tanan nga mga stakeholders, gin-uman nana ro anang pahayag sa anang Inagurasyon nga imaw hay isaeang ka builder ag bukon eamang it isaeang ka planner. Ngani maga-tukod imaw it mga imprastruktura nga naka-sandig sa Build, Build, Build Program it Duterte Administration.

Ginpa-abot ku Alkalde nga una eon sa Phase VI ro konstruksyon it 4 storey building sa Kalibo Magsaysay Park ag iba pa gid nga konstruksyon kamana ku mga drainage system, hanging bridge ag iba pa gid. Ginpahanumdom pa gid ku Alkalde ro mga Punong Barangay nga himuon eon ro andang parte sa Road Clearing Operations sa andang mga naha-sakupang lugar pa-age sa gin papana-ug kara nga Memorandum para sa mga Barangay Officials. Ana man nga gindayaw ro Empleyado it Munisipyo nga nagpasunod it anang mandato nga magsunod sa mando it Gobyerno Nasyonal nga mangin hilway sa anuman nga sab-eag sa daean ro mga daeanon.

Sa sueod pa gid it 100 Diyas nga pag-serbisyo, ro Munisipyo it Kalibo hay nakabaton it award nga Bronze Award sa PRIME – HRM Maturity Level II, Best DRRM Advocate in Western Visayas, Concrete Ideas Award ag Finalists sa Most Business Friendly LGU Municipal Category. Naga-operate man makaron ro Municipal Birthing Facility, istriktong implementasyon it mga Traffic ag Transportation Rules & Regulations ag maabo pa gid nga mga accomplishments.