• Home
  • 4 nga Buean nga Farmer’s Field School, gin-umpisahan eon kuMunisipyo itKalibo

4 nga Buean nga Farmer’s Field School, gin-umpisahan eon kuMunisipyo itKalibo

22 JULY 2019

By: Doniel B Aguirre

Refer To: Ms. Fritzie Anne P Rillo, Information Office

Sa pagpanguna ni Mayor Emerson Lachica, ginbuksan eon ku adlaw nga Biernes Hulyo 19 ro 4 nga buean nga Farmer’s Field School FFSon Growth & Yield Performance of Inbred Rice using Rice Crop Manager RCM para sa mga Mangunguma it Banwang Kalibo.

Suno kay MR. Vincent Jerry Tamayo II, Agricultural Technologist ku Agricultural Services Division, rong FFS hay sangka klase it training sa sueod it 4 nga buean nga may kombinasyon it pagtuon pina-agi sa lecture halin sa sari-saring Resource Person ag may Actual Field Learning. Rong Rice Crop Manager RCM man hay nagata-o sa mangunguma it husto nga rekomendasyon it abono depende sa eanas. Ginpahayag pa ni Tamayo nga naka-tago sa RCM ro detalye it sangka mangunguma kaeakip man ro lugar it anang eanas bangud naka-geo mapping tag ro andang mga eanas ngani mas madali sa Department of Agriculture nga makata-o it mga rekomendasyon parte sa pagpanguma kun gamit rong RCM nga sangka android app eon.  pagatun-an pa gid sa FFS rong Palay Check System, Fertilizer Management, Pest and Water Management ag Harvest Management.

Gin-engganyo man ni Mr. Uriel Las Pinas, Officer In Charge ku Agricultural Services Division it Kalibo ro mga mangunguma nga gumamit it Android App nga RCM agud ma-kumbinsi man ro mga pamatan-on makaron nga makilaea ag magka-interes sa pagpanguma tungod sa naga-sangkiri eon lang ro nagapanguma makaron.