• Home
  • 2019 Mutya it Kalibo Sto. Nino Ati-Atihan 2019, gin-koronahan ku Biernes

2019 Mutya it Kalibo Sto. Nino Ati-Atihan 2019, gin-koronahan ku Biernes

By: Doniel B Aguirre

Refer To: Ms. Fritzie Anne P Rillo, Information Officer

Gin-koronahan eon bilang 2019 Mutya it Kalibo Sto. Nino Ati-Atihan 2019 si Ms. Nicole Angela Cresini, Mutya Finalist Number 14 sa ginpatigayon nga Search for Mutya it Kalibo Ati-Atihan 2019 ku adlaw nga Biernes Enero 11 it rondayang dag-on sa ABL Sports Complex sa idaeom ku pagdumaea ku Kalibo Sto. Nino Ati-atihan Foundation Inc. KASAFI. Ro pinaka bag-ong Mutya it Kalibo Ati-Atihan 2019 man ro magiging contestant it Akean sa pagahimuon nga Miss Millenial 2019 sa Eat Bulaga. Samtang rong 4TH Runner Up hay si Mutya it Kalibo Ati-Atihan Candidate No. 1 Ms. Mary Anne Lopez, si Mutya it Kalibo Ati-Atihan Candidate Number 15 Ms. Jamaica Venturillo ro gin-deklarar bilang 3RD Runner Up, 2ND Runner Up man si Mutya it Kalibo Ati-Atihan Candidate Number 13 Ms. Francesca Beatriz Abalajon ag rong 1ST Runner Up hay si Mutya it Kalibo Ati-Atihan 2019 Candidate Number 5 Ms. Faye Beltran.

Mag-euwas sa korona bilang Mutya it Kalibo Sto. Nino Ati-Atihan 2019 si Ms. Nicole Angela Cresini, nag-uli pa gid imaw it mga Corporate Awards kaparehas ku Ms. Globe Texters Choice Award, Ms. Mabuhay Miles, Ms. Mabuhay Maritime Express, Ms. Novelino Wine, Ms. Coca Cola Phils., ag Ms. Forever Young Skin Care. Ro iba pa gid nga mga Corporate Awards hay ginbaton nanday: Mutya Finalists No. 7 Ms. Princess Shemiah Filomeno ro Ms. Smart Talk N Text Texter’s Choice, Ms. La Esperanza, Ms. Beauty Treats ag Ms. Mega tuna. Ms. Phil. Airlines award man ro habaton ni Mutya it Kalibo Ati-Atihan Finalist No. 13 Ms. Francesca Beatriz Abalajon, Signus Miss Awesome man nga Corporate Award ro habaton ni Mutya it Kalibo Sto. Nino Ati-Atihan 2019 Finalist Number 16 Ms. Shenna Adrien Pador ag Ms. Solane Corporate Award ro habaton ni Mutya it Kalibo Ati-Atihan 2019 Finalist No. 5 Ms. Faye beltran.

Nagpa-abot gid it hantup sa tagipusuon nga pagpasaeamat si Mr. Albert Menez, Chairman kung KASAFI sa sueod it 9 nga dag-on. Samtang ginpanginbualahan man ni Mayor William Lachica ro tanan nga Volunteer Members it KASAFI. Nangin masinadyahon pa gid ro mga nag-saksi sa katapusan nga Search for Mutya it Kalibo Ati-Atihan 2019 sa presensya nanday Mr. Daryl Ong ag Christian Bautista nga naghaead it mga kaeantahon sa Mutya Finalists ag mga tumaean-aw.