National Housing Authority, may criteria eon sa pag-distribwer it mga Housing Units sa Kalibo.

By: Doniel B Aguirre

Refer to: Ms. Fritzie Anne P Rillo, Information Officer

May bag-ong polisiya ro National Housing Authority NHA sa pag-distribwer it mga Housing Units nanda iya sa Munisipyo it Kalibo. Suno kay Mayor William Lachica kahapon sa Monday Flag Raising Ceremony, sa criteria nga ginbaeay nanda, may una eon nga mga listahan it benificiaries sa LGU Kalibo. Gindugang ku Alkalde nga nakapasar sa balidasyon ku NHA ro mga pumoeoyo nga gin-interivew tungod uwa sanda ra it eogta nga ginapatindugang it baeay ag nahabiktima it Bagyong Yolanda. Ginpabutyag it Alkalde nga uwa it anuman nga obligasyon ro sangka benipisaryo pero indi ra nanda pwedeng hikabaligya sa sueod it 2 dag-on.

Gindugang pa gid it Alkalde nga may Ground Breaking Ceremony hin-aga ku tulay nga igatukod nga maga-konekta ku Brgy. Sur ag Sitio kaarumahan. Tungod kara, ro taga Sitio Kaarumahan hay pwede eon maka-agi sa Hanging Bridge nga gina-ubra makaron ag pwede eon sanda maka-adto sa sentro it Banwa ag pwede man makalibot sa Bakhaw Norte ngani ginkabig ku Alkalde nga konektado eon ro 3 ka mga lugar.

Ginbalita pa gid ku Alkalde nga ginpa-simiento eon nana ro karsadahon it N. Roldan St., igasunod rayon ro Pastrana St., samtang gina-simiento ro karsada sa may Oyo Torong St. paeapus it C. Laserna St. agud magamit bilang alternatibong daean kun oras it mga kapiestahan sa Kalibo.

Trackback from your site.

Visitor Counter

063724
Users Yesterday : 308
This Month : 2581
This Year : 35088
Total Users : 53724
Views Today : 176
Total views : 261034
Who's Online : 3
Your IP Address: 54.196.5.6
Server Time: 2018-08-16

Visit Us