Mga Priority Development Projects 2019, gin-adaptar eon it Municipal Development Council.

By: Doniel B Aguirre

Refer to: Ms. Fritzie Anne P Rillo, Information Officer

Gin-plastar eon ni Mayor William Lachica ro mga listahan ku Priority Development Projects para sa dag-on 2019 sa mga miembro ku Municipal Development Council kahapon adlaw nga Martes Hulyo 10 sa meeting nga ginhiwat sa Ati-Atihan County Inn. Pila sa mga proyekto nga naka-linyada nga mabutangan it pondo halin sa LGU hay ro mga masunod: Installation it Traffic Light System, Construction it Rural Health Unit sa Brgy. Nalook, Kalibo, may igatukod man nga Youth Center nga pagadumaeahan ku Mswd Office, Rehabilitation it Kalibo Municipal Building, Concreting & Asphalt Overlay it mga karsada nga uwa pa naha-ayos sa Banwa, Improvement it Dumping Site, Construction it Drainage Canal System, Electrification para sa mga Brgy. ag Loan Repayment sa backhoe it Munisipyo. Suno sa Alkalde, nagabalor it P35,096,943.00 kun sa siin ro pondo kara hay magahalin sa 20% Development Fund.

Gin-mensyonar pa gid it Alkalde sa mga kabaranggayan nga ro P100,000.00 nga bulig it Munisipyo hay kun pwede hika-bakae it Truck ag CCTV Cameras. Nagpasaeamat gid ro Alkalde sa pag-atinder it mga bag-ong lingkod nga mga Punong Brgy. kahapon.

Gin-adaptar man ku MDC kahapon ro mga plans, programs ag activities nga nakasaad sa Annual Investment Plan 2019, MDRRMO Plan ag Municipal Nutrition Action Plan 2019 nga anda man nga gin-endorso sa Sangguniang Bayan it Kalibo.

Trackback from your site.