Mga Brgy. sa Kalibo nga uwa nagatukod it MRF, iga-report sa Ombudsman.

By: Doniel B Aguirre

Refer to: Ms. Fritzie Anne P Rillo, Information Officer

Nagkasugot ro sari-saring sektor sa Banwa it Kalibo sa plano ku LGU Kalibo nga iga-monitor ku Munisipyo ro mga kabaranggayan kun nagasunod ra sa mando ku Municipal Ordinance No. 2009-004 o kun ro Ecological Solid Waste Management Code of Kalibo hay iga-report sa Office of the Ombudsman. Base sa M.O. 2009-004, ro mga Brgy. hay obligado nga mag-tukod it Material Recovery Facility MRF kun sa siin mabuhay eon nga ginhinyo ku LGU Kalibo nga ipasunod. Ginpa-abot sa meeting nga ginhimo ku Solid Waste Management Services kun sa siin gin-presentar ro gina-amyendahan nga ordinansa, nga may mga Brgy. eon nga nagsunod sa mandato it M.O. 2009-004 pero maabo pa gid kanda kara ro uwa naga-hueag.

Ginkasugtanan man sa meeting nga sukton man ro households para sa Solid Waste Services sa manaba nga presyo. Ginpabutyag ni Ms. Adorada Reynaldo, Hepe ku Solid Waste Management Services nga may mga households nga nagata-o it pamasahe sa mga tricycles agud hika-pilak eamang ro andang basura ngani pabor gid sanda nga sukton it Solid Waste Collection Services ag ro Munisipyo lang ro maga-kolekta it andang basura. P30.00 ro gina-proponer nga garbage collection kun sa siin ro mode of payment hay kada buean samtang may 20% increase man ro sukot para sa Commercial Garbage Fee.

Trackback from your site.