Brgy. Council it Andagao, Sumaylo Eon sa Bag-ong Taeatapan.

By: Doniel B Aguirre

Refer to: Ms. Fritzie Anne P Rillo, Information Officer

Sumaylo eon sa bag-ong Brgy. Hall ro Punong Brgy. nga si Hon. William lachica Jr., kaibahan ro miembro ku Brgy. Council it Andagao kahapon adlaw nga Lunes. Rong 3 storey building nga bag-ong Brgy. Hall it Andagao hay nahamtang sa may Vizcarra Subdivision kun sa siin ginpabutyag ni Mayor William Lachica ro anang kalipay sa paghinguha it Brgy. Council agud maka-angkon it bag-ong taeatapan.

Ginpabutyag it Alkalde nga abo pa ro gusto nana nga ubrahon para sa Brgy. kamana ku pag-ubra it drainage system ag pagpabutang it kurae sa asu kalibo sa bulig man ni Cong. Carlito S Marquez. Ana man nga ginhinyo sa Brgy. Council it andagao nga maghimo it resolusyon nga nagasuporta ku proyekto nga drainage system nga gusto nana nga himuon umpisa sa anhsat paguwa sa Provincial Road Patabok it Provincial Road pa-eumpat sa andagao creek kun sa siin nagabalor sa p8 million ag iga-adress ra sa National Government. Ginpa-abot pa gid it Alkalde sa mga pumoeoyo nga ipa-abot sa Brgy. Council ro andang mga problema agud mataw-an it aksyon.

Trackback from your site.