Inisyal Nga Pondo Para Sa Rehabilitasyon Ku Dumping Site it Kalibo, Posibleng Hidugangan.

By: Doniel B Aguirre

Refer to: Ms. Fritzie Anne P Rillo, Information Officer

Pwede pang dugangan ro pondo nga ginta-o ku DENR agud hika-ayad ro Municipal Dumping Site it Banwang Kalibo. Suno kay SB Member Cynthia Dela Cruz, P742, 472 para sa Improvement and Rehabilitation and Safe Closure ro ginta-o it Ahensya mga 2 buean eon ro nakataliwan. Pero ginpabutyag ku Konsehal nga sa ginhimo nga workshop agud amyendahan ro Solid Waste Management Code it Kalibo, ginpa-abot ku resource person halin sa Environmental Management Board emb nga pwedeng mataasan ro igata-o nga pondo.

Ro naha-una nga pondo nga ginta-o hay ginbase sa area it Open Dumping Site nga 23,000 o kun 2 hectares ag bukon it kabilugan nga 39,000 o kun 4 hectares. Tungod kara, gin-suggest ku EMB DENR nga dugangan rong grant o funding kay Secretary Roy Cimatu, DENR Secretary pina-agi sa pag-pasar it resolusyon. Suno man kay SB Member Daisy Briones, may Lote pa sa likod nga porsyon it dumping site nga ginapang-iyahan gihapon it munisipyo ag rong pondo nga mabaton hay magamit sa rehabilitasyon it open dumping site.

Tungod kara, aprubado ku Sangguniang Bayan it Kalibo rong Resolution No. 314 nga nagahinyo sa Sekretaryo it DENR nga mag-alokar it dugang nga pondo para sa closure, rehabilitation it Open Dumping Site ku Munisipalidad.

Trackback from your site.