Month: July 2018

By: Doniel B Aguirre

Refer to: Ms. Fritzie Anne P Rillo, Information Officer

Ginpa-abot ni Mayor William Lachica sa mga miembro ku Kalibo Auxiliary Police nga pirmeng magtamyaw sa mga drivers nga andang gina-dakup tungod ku nakikita nga mga bayolasyon sa layi it trapiko. Sa ginhimo nga Orientation Re-Orientation Seminar para sa 2nd batch it mga KAP Members kahapon sa Ati-atihan County Inn Small Function Hall, ginpa-butyag it Alkalde nga pirme gid nga magta-o it katahuran tungod ginabasehan it mga drivers ro pagkatawo it mga KAP kun sa siin naga-representar man sa Munisipyo. Gindugang pa gid it Alkalde nga mag-trabaho sa lugar nga gina-postehan tungod ro Munisipyo man makaron hay naga    tinguha nga hipataasan ro sweldo it mga KAP.

Continue reading

By: Doniel B Aguirre

Refer to: Ms. Fritzie Anne P Rillo, Information Officer

Bangud man ku maabong kamatayon dueot it mga Non Communicable Diseases kaparehas ku Cardiac Arrest, Diabetes, Cancer base sa World Health Organization, ginasuportahan makaron ku Munisipyo it Kalibo ro programa ku Rural Health Office it Kalibo nga Senior Hypertension & Diabetes day. Suno kay SB Member Cynthia Dela Cruz, Proponent it Resolusyon it pag-suporta sa Resolusyon man ku Local Health Board nga naga-deklara ku kada Huwebes it agahon bilang Hypertension, Diabetes & stroke day sa Municipal Health Office it Kalibo.

Continue reading

By: Doniel B Aguirre

Refer to: Ms. Fritzie Anne P Rillo, Information Officer

Sa pagpatikasog ku Traffic & Transport Management Unit it Kalibo sa pagpamuno ni Ms. Mary Gay Quimpo Joel, gin-umpisahan eon kahapon ro sang adlaw nga Orientation Re-orientation seminar para sa Kalibo Auxiliary Police Members sa Ati-atihan County Inn Small Function Hall. Tanan gid nga miembro it Kalibo Auxiliary Police o KAP ro ginpa-idaeom sa seminar pero gina-ubra ra sa sueod it daywang adlaw kun sa siin sangka batch ro ginapa-atinder agud nagapadayon gihapon ro pag-mintinar it trapiko sa mga karsadahon sa Kalibo.

Continue reading

By: Doniel B Aguirre

Refer to: Ms. Fritzie Anne P Rillo, Information Officer

Sa handum nga hikapasa sa mga kalibonhon nga pamatan-on ro kultura ag tradisyon it Banwang Kalibo, isaeang ka Resolusyon ro ginpasar ku Konseho it Kalibo nga nagapabaskug ku naha-tukod eon nga Kalibo Council for Culture & the Arts KCCA sandig man sa Executive Order No. 13 – a series of 2002. Suno kay SB Member Mark Quimpo, proponent it Resolusyon base sa MC No. 2002-81 ku DILG, tanan nga mga Municipal Mayors hay kinahang-ean nga magtuga it local Culture & the Arts Council. Samtang ro DILG MC No. 2017-133 hay nagasaad nga pwedeng mag-implementar it mga proyekto ag pagpabaskug it Konseho ag nagata-o it mga Policy & Guidelines parte sa composition ag re-composition kara.

Continue reading

By: Doniel B Aguirre

Refer to: Ms. Fritzie Anne P Rillo, Information Officer

6 ka mga Overseas Recruitment Agencies ro nangin katuwang ku Public Service Employment Office it LGU Kalibo ag Philippine Overseas Employment Administration ku adlaw nga Sabado Hulyo 14, 2018 sa ginhimo nga Overseas Special Job Fair & Registration sa Kalibo Pastrana Park Covered Court.

Continue reading