Month: June 2018

By: Doniel B Aguirre

Refer to: Ms. Fritzie Anne P Rillo, Information Officer

Sa bulig ku PPP Center, naka-angkon it maabong mga ideya ro Public Private Partnership Selection Committee PPP-SC it Kalibo parte sa Public Private Partnership nga planong ubrahon sa tunga ku LGU Kalibo ag PSMO nga proponent ku pag-rehabilitar ag pag-operate pina-agi sa Public Private Partnership PPP ku Kalibo Municipal Slaughter House nga nahamtang sa Brgy. Tinigaw, Kalibo. Gusto gid ku Munisipyo it Kalibo nga ma-umpisahan eon ro Partnership para ma-angkon it Banwa ro Double A Standard nga abbatoir pero ro unang modality nga gina-aplayan ku Munisipyo hay masyadong mabuhay ro proseso ngani gin-rekomendar ku PPP Center sa pag-adto nanda sa Banwa it Kalibo ku nagtaliwan nga dag-on nga Joint Venture rong modality it PPP nga gamiton.

Continue reading

By: Doniel B Aguirre

Refer to: Ms. Fritzie Anne P Rillo, Information Officer

Matapos nga ginpatigayon ku Universal School of Applied Technology USAT, Negros Occidental, Sagay City ro Free Training Project sa Banwa it Malinao, paga-umpisahan man ku PESO Kalibo ag ku USAT ro Free Training it Shielded Metal Arc Welding SMAW National Certificate NC I sa Munisipyo it Kalibo. Sa ginhimo nga orientation kahapon nahanungod sa nasambitan nga proyekto, ginpa-abot ni Ms. Cristina Relos, Training Coordinator iya sa Akean nga ro SMAW NC I sa idaeom ku STEP Program Special Training for Employment Program hay may Training Duration nga 37 days ag may Assessment.

Continue reading

By: Doniel B Aguirre

Refer to: Ms. Fritzie Anne P Rillo, Information Officer

Nagakinahang-ean pa makaron it dugang nga trainee o aplikanteng Kalibonhon agud makumpleto ro 25 ka magiging trainees para sa Carpentry NC II Training kung TESDA Aklan ag LGU Kalibo. Sa orientation nga ginhimo kahapon ku PESO Kalibo sa mga magiging trainees, may bakante pang mga slots ro kinahang-ean pun-an agud hikataeana eon ro pag-umpisa it training iya sa Munisipyo it Kalibo. Tungod kara, gina-imbitahan ku Munisipyo it Kalibo ro mga Kalibonhon nga gustong maka-angkon it NCII sa Carpentry nga magpasa it application letter ag bio data sa PESO Kalibo nga nahamtang sa opisina it Alkalde makaron.

Continue reading

By: Doniel B Aguirre

Refer to: Ms. Fritzie Anne P Rillo, Information Officer

Pagkatapos nga gin-aprubahan ku Munisipyo it Kalibo ro ordinansa nga nagabawae ku pagpa-eupad, pagtatap para sa raising purposes ag bisan ro ordinaryong pagtatap it mga salampati sa palibot it Kalibo International Airport, ginatalakay man makaron ku Munisipyo ro pag-regulate ku pagpa-eupad it Unmanned Aerial Vehicles UAV o kilaea sa tawag nga drones sa bisinidad it Kalibo International Airport.

Continue reading

By: Doniel B Aguirre

Refer to: Ms. Fritzie Anne P Rillo, Information Officer

Agud mangin masadya ag hipa-umwad pa gid ro Turismo sa Banwa it Kalibo, igapakita ku Munisipyo it Kalibo pina-agi sa Tourism & Cultural Affairs Division TCAD sa mga pumoeoyong Kalibonhon ro sangka sports nga ginatawag nga Airsoft Games. Gamit ro Airsoft Guns, isaeang ka replica it sangka minatuod nga baril pero rong bala hay himo sa plastic bullet ag ro nagata-o it pwersa hay baterya o pwede man rong gas. Ginahampang ra it mga grupo nga rehistrado sa Phil. National police kun sa siin ro competition hay gintawag nga Regional Airsoft Competition.

Continue reading