Solid Waste Management Code of Kalibo, gin-review ag gin-analisa ku Solid Waste Management Board.

By: Doniel B Aguirre

Refer to: Ms. Fritzie Anne P Rillo, Information Officer   

Sa bulig ku Environmental Management Bureau EMBDENR, pinal eon nga gin-review ku Solid Waste Management Board it Kalibo ro Ecological Solid Waste Management Code of Kalibo sa Munisipyo it Kalibo. Pina-agi kay SB Member Cynthia Dela Cruz, Vice Chairperson ku Solid Waste Management Board, anang ginpa-abot ro mensahe ni Mayor William Lachica bilang Chairperson ku nasambitan nga Board.

Suno kay SB dela Cruz, gina-butang eon sa final ro Solid Waste Management Code matapos raya hay gin-review sa Ati-Atihan County Inn ku nagtaliwan nga mga daywang buean. Rong Solid Waste Management Code makaron hay ana gid nga ginahueat nga hi-ayos ag ma-amyendahan para hika-plastar eon sa Sangguniang Bayan it Kalibo para madali nga ma-aprubahan ag hika-implementar. Nagakabaeaka gid imaw sa sitwasyon it mga basura sa Banwa it Kalibo partikular sa pilang ka mga kabaranggayan nga gina-problema gid ro basura. Anang ginpa-abot nga maabong gin-amyendahan sa Solid Waste Management Code partikular sa mga fees pero nagasalig imaw nga masarangan ma-depensahan sa plenaryo tungod nag-agi ra sa workshop sa superbisyon ku EMB – DENR.

Pagkatapos man ku maid-id nga pag-estudyo it mga probisyon, nagpasar it mosyon rong Board nga naga-adaptar it bag-ong Solid Waste Management Code of Kalibo. Iga-agi ra sa plenaryo it Sangguniang Bayan, maga-taeana it Committee Hearing ag Public Hearing.

Trackback from your site.

Visitor Counter

063724
Users Yesterday : 308
This Month : 2581
This Year : 35088
Total Users : 53724
Views Today : 179
Total views : 261037
Who's Online : 3
Your IP Address: 54.196.5.6
Server Time: 2018-08-16

Visit Us