15 Anyos nga Kalibonhon, Maga-entra sa 2018 Street Child World Cup

By: Doniel B Aguirre

Refer to: Ms. Fritzie Anne P Rillo, Information Officer

Saludo gid ro Banwa it Kalibo sa kadaeag-an ku 15 anyos nga si Anabel Galliano tungod sa isaea imaw ka inungang Kalibonhon nga napili-an agud mangin kaibahan Team Philippines sa pagahimuon nga 2018 Street Child World Cup sa Moscow, Russia. Sa Resolusyon nga ginproponer ni SB Member Phillip Yerro Kimpo Jr., ginpanginbulahan gid ku Munisipyo si Galliano tungod nga sa May 19, 2018 pagahimuon sa Russia rong World Cup para sa Football o kun Soccer kadungan sa FIFA World Cup. Rondayang World Cup hay nakakabulig nga makatipon it awareness ag ginatib-ong pa gid ro mga kinamatarong it mga Street Children.

Imaw ra hay gin-rekomendar it sangka coach it FUTSAL Iloilo sa Phil. Football Federation. Gin-rekomendar man rayon imaw ku Phil. Football Federation sa fairplay football nga sangka United Kingdom Based NGO nga naka-aasign sa Payatas, Quezon City para mag-hampang it Football. Gin-skedyul imaw sa tri out sa Kalibo ag imaw hay nakapasar ag sumaka sa masunod nga round. Gindugang pa gid ni kimpo nga rong Kalibo Sakeros Football Club hay nakabaton it komunikasyon nga pasado si Anabel sa phase 1 ag sambilog imaw sa top 16 players sa bilog nga Pilipinas. Nakataeana man ro anang training sa paea-abuton nga Abril sa Metro Manila bago dumeretso sa russia sa mayo. Ngani sa makaron, nagakinahang-ean imaw it suporta para sa anang byahe.

Si Anabel Galliano hay taga C. Laserna St., Kalibo kaibahan ro 10 ka mga igmanghod. Na-agyan man naga-ukay it basura ag may mga tiempo nga naga-tambay imaw sa plaza kaibahan ro anang mga igmanghod. Ginpaabot pa ni kimpo nga kun may mga sports activity hay nagapartisipar ro unga ag naga-hampang man imaw it football sa parke ag rong papel nana sa team hay Goal Keeper.

Trackback from your site.

Visitor Counter

058468
Users Yesterday : 230
This Month : 2589
This Year : 29832
Total Users : 48468
Views Today : 1377
Total views : 236054
Who's Online : 2
Your IP Address: 54.198.243.51
Server Time: 2018-07-15

Visit Us