Mga Pigeon Fanciers, Indi Eon Pwede Makapa-eupad it Mga Salampati sa Palibot it Kalibo International Airport

By: Doniel B Aguirre

Refer to: Ms. Fritzie Anne P Rillo, Information Officer

Sa ginhimo nga Public Hearing angot sa Proposed Ordinance No. 18 “An Ordinance Regulating the Raising & Breeding & Racing of Domesticated Pigeons & other Bird Species within 2.5 km from the Center of the Kalibo International Airport & Providing Penalties Thereof. Ginkasugtanan ku Brgy. Pook, mga Pigeon Fanciers ag komitiba nanday SB Members Cynthia Dela Cruz ag Daisy Briones kaibahan rong Civil Aviation Authority of the Phils. CAAP nga iga-rehistro ag iga-monitor ku Brgy. Council it Pook ro tanan nga mga breeders ag racers it mga salampati. Ginkasugtanan pa gid nga indi eon dapat makapa-eupad it mga salampati sa 2.5 kilometers radius sa palibot it Kalibo International Airport. Agud nga malikawan ro pagka-disgrasya it mga eroplano nga nagatugpa ag naga-eupad halin sa airport.

Gin-rekomendar pa gid kung CAAP nga indi eon magbuhi o magpa-eupad it mga salampati maeapit sa airport ag sa baylo hay idto eon lang sa ibang banwa magpa-eupad it mga salampati. Ginpabutyag man ku pigeon fanciers nga sa mga maeayo nga lugar sanda nagapa-eupad it mga salampati kun anda ra nga ginapa-idaeom sa training ag gina-entra sa racing. Gin-rekomendar pa gid nanda nga sugtan nga makapatigayon it breeding o raisers o ratong nagapabahoe eamang it mga salampati maeapit sa airport tungod uwa man ra nanda ginapa-eupad kun sa siin ginpa-abot nanda nga ro indi nanda ma-kontrol ro bukon nanda it mga miembro ag kaibahan man ro iba pa gid nga salampati nga uwa it tag-iya ag migratory birds nga naga-eupad maeapit sa airport.

Gin-rekomendar pa gid kung CAAP nga mag-provide it mapa ro Municipal Planning and Development Coordinator nga naga-indikar ku 2.5 kilometers nga radius agud may ideya ro mga pigeon fanciers ku distansya it airport sa andang ginahalinan nga lugar agud indi sanda makapa-eupad it salampati sa may airport.

Trackback from your site.