Uman nga Pag-lunsar it Oplan Tokhang, Mas Magiging Koordinado Eon

By: Doniel B Aguirre

Refer to: Ms. Fritzie Anne P Rillo, Information Officer

Ginpa-abot ni Police Senior Inspector Honey Mae Ruiz, Officer in Charge it Kalibo Municipal Police Station nga gin-umpisahan eon ro uman nga pagbalik it Oplan Tokhang. Sa ginhimo nga Municipal Peace & Order Council MPOC Meeting sa Munisipyo it Kalibo, matapos nga ginbalik sa PNP ro kampanya kontra sa droga, nakabalik man eon ro Oplan Tokhang (Toktok Hangyo).  Suno kana, ro nagabilog it Oplan Tokhang hay ginatawag nga Tokhangers kun sa siin sanda ra ro magapamuno sa paghimo it Tokhang.

Gin-klaro ni Ruiz nga ro Tokhang hay uwa nagakahueogan nga maga-aresto it indibidwal kundi ginahinyo it mga pulis ro boluntaryo nga pag-surrender sa mga Pulis ag uwa it paga-atubangon nga kaso. Sa bag-ong Tokhang makaron, may koordinasyon sa PDEA, may representante halin sa LGU, BADAC, MADAC, NGOS, Religious Sector, Media,  Stakeholders ag iba pang Law Enforcers. 2 man makaron ro nagahimo it Tokhang kamana ku Brgy. Led Tokhang ag PNP Led Tokhang. Gina-kumbinyo man ku PNP ro miembro it BADACS nga mag-sumite ku mga listahan it drug personalites sa Brgy. ag kun may una nga Drug Personality sa hurisdiksyon it Brgy. hay ipasa eamang sa kapulisan sa andang pag-asister. Sa aspeto man it Brgy. Drug Clearing, uwa pa it drug cleared Brgy. sa Kalibo base sa bag-ong criteria it PDEA tungod ku bag-ong dugang nga mga Guidelines.

Gindugang pa gid ku Officer in Charge it Kalibo PNP nga ro parte sa Presidential Decree 1869 ag Memorandum Circular No. 6 ni Presidente Duterte nga nagabawae sa mga Government Officials ag Employees nga mag-entra sa sugae. Suno kay Ruiz, 2 eon ro nahadakpan ag hapasakaan it kaso sa Cebu City nga gina-komponihan it sangka Police ag konsehal. Ro Counter Intelligence Task Force CITF it PNP man hay mga identified PNP Members ag Government Officials and Employees nga nagaka-gumon eon sa sugae.

Trackback from your site.