Munisipyo it Kalibo magapangayo it dugang nga Doktor sa DOH

By: Doniel B Aguirre

Refer to: Ms. Fritzie Anne P Rillo, Information Officer

Tungod ku maabo eon ro mga pumoeoyo sa Banwa it Kalibo ag indi haeos masarangan ku tatlong ka mga Doktor sa Rural Health Units it Banwang Kalibo nga ma-serbisyohan sanda, nagapangayo makaron it bulig ro LGU Kalibo sa Dept. of Health paagi sa andang programa. Sa Draft Resolution No. 278 nga gin-proponer ni SB Member Cynthia Dela Cruz, ginahinyo ku Munisipalidad it Kalibo nga hika-eakip ro Banwa it Kalibo sa programa it DOH nga Physician Augmentation Deployment Program PADP nga ginatawag man nga Doctors to the Barrio DTTB agud ma-serbisyohan ratong nagakinahang-ean it atensyon medikal ag mga pobreng Kalibonhon.

Suno kay Dela Cruz, kueang it Doktor ro LGU tungod nag-resign ro sambilog ngani kinahang-ean maka-avail ro Kalibo ku serbisyo it DOH kun sa siin ginakinahang-ean ro pagpasar it resolusyon. Suno kay Vice Mayor Madeline Regalado, ro populasyon it Kalibo makaron hay 84,184 ngani basi pwedeng makapangayo it eampas sa sambilog nga doktor.

Trackback from your site.